ბელგიის ქალაქ ანტვერპენში, შაბათს პრაიდ მარში გაიმართა. ორგანიზატორებისა და პოლიციის თქმით, ეს იყო ყველაზე დიდი მარში, რომელიც ამ პატარა საპორტო ქალაქში როდესმე ჩატარებულა. მასში 120000 ადამიანი მონაწილეობდა. ღონისძიება 14:00 საათზე დაიწყო, რომელშიც
ბელგიის ქალაქ ანტვერპენში, შაბათს პრაიდ მარში გაიმართა. ორგანიზატორებისა და პოლიციის თქმით, ეს იყო ყველაზე დიდი მარში, რომელიც ამ პატარა საპორტო ქალაქში როდესმე ჩატარებულა. მასში 120000 ადამიანი მონაწილეობდა.
ღონისძიება 14:00 საათზე დაიწყო, რომელშიც 65 დელეგაცია ჩაერთო, მათ შორის, პოლიცია, თითქმის ყველა პოლიტიკური პარტია და რამდენიმე კომპანია. მონაწილეებისთვის კომფორტული გარემო იყო შექმნილი. ქალაქის 4 ლოკაცია წყლის ბარებით იყო უზრუნველყოფილი, სადაც ყველას შეეძლო, ბოთლის შევსება და გაგრილება.
პრაიდ მარში, რომელიც აერთიანებდა პოზიტიურ მესიჯსა და პროტესტს, ლგბტქი საზოგადოებისთვის გამართული ფესტივალის, ანტვერპენ პრაიდის მნიშვნელოვან ნაწილს შეადგენდა. მისი ნაწილი იყო “Love United Festival”-იც, რომელიც 15:00 საათზე, მდინარე შელდტის ახალაშენებულ ნავმისადგომებთან გაიმართა. ღონისძიებას მუსიკალურად სხვადასხვა დიჯეი აფორმებდა, რომლებიც 2 სცენაზე იყვნენ გადანაწილებულნი. ამაღელვებელი და პოზიტიური წვეულება შუაღამემდე გაგრძელდა, ხოლო დასწრება ნებისმიერ მსურველს უფასოდ შეეძლო.
ანტვერპენის პრაიდი კვირას, შელდტის სანაპიროებზე გამართული ღონისძიებით დასრულდა.
Don't Miss
5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი ფსიქიკური ჯანმრთელობის მდგომარეობას პერინატალურ პერიოდში.
სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43 წლის კაცი დააკავეს. ის დაკავებულია
6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში” ჩაიშალა. კრებული ქართველი მხატვრების მიერ მე-20 საუკუნის დასაწყისიდან დღემდე
28 თებერვალს ამერიკის ფსიქოლოგთა ასოციაციამ (APA) მიიღო მნიშვნელოვანი გადაწყვეტილება, მხარი დაუჭიროს ტრანსგენდერი და არაბინარული ადამიანების გენდერის დადასტურების პროცედურას, რაც მოიცავს