Pabllo Vittar – პირველი დრეგ ქვინი კოაჩელას ფესტივალზე

Pabllo Vittar პირველი დრეგ ქვინია, რომელმაც კოაჩელას ფესტივალზე იმღერა. ყოველწლიური ფესტივალი კალიფორნიაში აპრილში გაიმართა.

28 წლის ბრაზილიელი არტისტი ფესტივალზე 2020 წელს უნდა გამოსულიყო, თუმცა კოვიდ-რეგულაციების გამო თარიღი შეიცვალა.

Pabllo მეორე ბრაზილიელი არტისტია, რომელიც კოაჩელას სცენაზე მილიონობით მაყურებლის წინაშე წარსდგა. პირველი ბრაზილიელი არტისტი Anitta-აა.

„ვერასდროს ვიფიქრებდი, რომ ეს დღე დადგებოდა, მადლობა ღმერთს, ძალიან ბედნიერი ვარ“, – შოუმდე რამდენიმე საათით ადრე დაპოსტა პაბლომ – „მინდა, მადლობა გადავუხადო ყველას, ეს შოუ თქვენია, ჩემი თემის წევრების, ჩემი ფანების, ჩემი ოჯახისა და მეგობრების”.

Pablo Vittar 1993 წელს დაიბადა სან-ლუისში, თუმცა ფინანსური სირთულეების გამო ოჯახს ხშირად უწევდა საცხოვრებელი ადგილების შეცვლა და სხვადასხვა ქალაქში ცხოვრება.

ადრეულ წლებში არტისტი თავისი ფემინური გარეგნობის და ხმის გამო ხშირად იყო ბულინგის მსხვერპლი. მომავალ მომღერალს სკოლაში ცხელი წვნიანით სავსე ჯამიც კი ესროლეს.

13 წლის ასაკში პაბლომ ოჯახური შეკრებებისა და სასკოლო დადგმებისთვის  ქავერების შესრულება დაიწყო და კათოლიკური ეკლესიის მგალობლების გუნდს შეუერთდა.

18 წლის ასაკში პაბლო საცხოვრებლად უბერლანდიაში გადავიდა, სადაც მისი პროფესიონალური კარიერა დაიწყო. პირველი წარმატება მუსიკალურ კლიპს, Open Bar-ს მოჰყვა, რომელმაც მილიონობით ნახვა დააგროვა ინტერნეტში.

დღესდღეობით, პაბლოს 4 მუსიკალური ალბომი აქვს ჩაწერილი. ის ძირითადად პორტუგალიურ ენაზე მღერის. მის შემოქმედებაზე დიდი გავლენა იქონია არეტა ფრანკლინმა, ტინა ტერნერმა, დონა სამერმა, უიტნი ჰიუსტონმა და რუპოლმა.

ერთ-ერთ ინტერვიუში პაბლომ თქვა, რომ მან მამაკაცის სასცენო სახელი აირჩია, რადგან არ სურდა, მსმენელები შეცდომაში შეეყვანა და ეფიქრათ, რომ ტრანსგენდერი ადამიანია, პაბლო დრეგ ქვინია.

შეიძლება ითქვას, რომ პაბლო ყველაზე წარმატებული დრეგ შემსრულებელია ფოლოვერების რაოდენობით, სხვადასხვა მუსიკალურ პლატფორმაზე მის შემოქმედებას მილიონობით ნახვა აქვს. პაბლოს წარმატება სახელოვან რუპოლსაც კი უსწრებს.

კოაჩელა ამერიკული მუსიკალური ფესტივალია, რომელიც 1999 წლიდან იმართება. ფესტივალი ყოველწლიურად უამრავ არტისტს მასპინძლობს ხელოვნების სხვადასხვა დარგიდან.

კოაჩელას სცენაზე ისეთ არტისტებს უმღერიათ, როგორებიც არიან როჯერ უოთერსი, პრინცი, ბიონსე, The Cure, Daft Punk.

 

 

წინა

#ArmUkraineNow — ახალი კამპანია უკრაინის დასახმარებლად

შემდეგი

სოლიდარობა სოციალურ მოძრაობებს შორის: რა გვასწავლა რიონის მცველების მაგალითმა

ბოლო სიახლეები

Tbilisi Pride-ის ოფისში შეჭრაში ბრალდებულები სასამართლომ 5 000 ლარით დააჯარიმა

Facebook45Tweet0Shares45 Tbilisi Pride-ის თანადირექტორის, მარიამ კვარაცხელიას მიერ ფეისბუკზე გავრცელებული ინფორმაციით, სასამართლომ ორგანიზაციის ოფისში შეჭრაში ბრალდებულ 3

ალტ-ინფოს ცნობით, შოთა მარტინენკო და ზურაბ მახარაძე დააკავეს

Facebook0Tweet0Shares0 2 ივლისს, პოლიციამ ულტრა-მემარჯვენე ჯგუფის აქციის მონაწილეები, მათ შორის, ჰომოფობიური, პრორუსული დაჯგუფება ალტ-ინფოს ლიდერები, შოთა

თავისუფლებისთვის ბრძოლა არ დასრულებულა — თურქი აქტივისტები პრაიდის მონაწილეთა დაკავებას გმობენ

Facebook6Tweet0Shares6 26 ივნისს, მას შემდეგ, რაც თურქმა პოლიტიკოსებმა პრაიდთან დაკავშირებული ღონისძიებების აკრძალვის შესახებ განაცხადეს, სტამბულში გამართულ

კაფე მზიურთან ლგბტქი დროშის ჩამოხსნის მოთხოვნით ულტრა-მემარჯვენე ჯგუფის აქცია მიმდინარეობს

Facebook163Tweet0Shares163 კაფე მზიურმა პრაიდ კვირეულის მხარდაჭერის მიზნით კაფეს ვიტრინაში ლგბტქი დროშა გამოფინა, რასაც ორგანიზებული ძალადობრივი ჯგუფის