გიგანტური სტრიმინგ სერვისი Netflix უერთდება სხვა მსხვილ თუ მცირე ბიზნესებს და რუსეთის ფედერაციის ტერიტორიაზე მუშაობას აჩერებს.
„არსებული გარემოებების გათვალისწინებით, ჩვენ გადავწყვიტეთ, რომ შევაჩეროთ ჩვენი მომსახურება რუსეთში.“ – განაცხადა Netflix-ის სპიკერმა კვირას.
როგორც CNBC იტყობინება, რუსეთის ფედერაციაში Netflix-ის გამომწერების რაოდენობა 1 მილიონსაც არ აღემატება, საიტის გამომწერების რაოდენობა მთელს მსოფლიოში კი 222 მილიონს შეადგენს.
ამასთან ერთად, ცნობილია, რომ მას შემდეგ, რაც რუსეთი უკრაინაში შეიჭრა, სტრიმინგ სერვისმა შეაჩერა პროექტები და შესყიდვები რუსეთთან. ომის წამოწყებამდე Netflix-ისთან თანამშრომლობით ოთხი რუსულენოვანი სერიალის წარმოება და პოსტპროდუქცია მიმდინარეობდა. Netflix-მა ასევე უარი თქვა ახალი ამბების გაშუქებისას თავის გადაცემებში რუსული წესების დაცვაზე.
აღსანიშნავია, რომ Netflix არ არის ერთადერთი კომპანია, რომელმაც ეს ნაბიჯი გადადგა, უკრაინაში რუსეთის ჯარების შესვლის შემდეგ უკრაინას მხარდაჭერა არაერთმა გიგანტურმა კომპანიამ თუ მცირე ბიზნესმა გამოუცხადა და შეაჩერა გაყიდვები და მომსახურება რუსეთის ტერიტორიაზე.
სულ რამდენიმე დღის წინ ამერიკულმა კინოკომპანიამ, Walt Disney Picture-მა, თავის შვილობილ კომპანიებთან ერთად შეწყვიტა კინოგაქირავება რუსეთში.
