თინეიჯერებისა და არა მარტო თინეიჯერების პოპულარული ჟანრი ბრუნდება!
გოგო მისტიკურ ბიჭს ხვდება და მათ ერთმანეთი მალევე უყვარდებათ, თუმცა ფილმის/სერიალის პირველ ნახევარში ირკვევა, რომ ბიჭი ვამპირია. ალბათ, გეცნობათ სიუჟეტი, რომლის მიხედვითაც არაერთი ფილმი გადაღებულა გასულ ათწლეულებში.
სისხლის მსმელი მითიური არსებები კვლავ მოხიბლავენ მაყურებლებს მარადიული სილამაზით, ოღონდ ამჯერად არა გოგოს და ბიჭის ისტორიას, არამედ ორი გოგოს, ვამპირი ჯულიეტისა და მონსტრებზე მონადირე კალიოპეს სიყვარულის ისტორიას ვიხილავთ.
სერიალი ამერიკელი მწერლის, ვიქტორია შვაბის მოთხრობას ეფუძნება, რომელიც ორი საგვარეულო ტომის, ვამპირებისა და ვამპირებზე მონადირეების ისტორიას გვიამბობს. ჯულიეტი ვამპირების ოჯახიდანაა, ხოლო კალიოპე – ვამპირებზე მონადირეების ოჯახის უკანასკნელი წარმომადგენელია. მათ ერთი რამ აერთიანებთ, ისინი იძულებულები არიან, მოკლან, რათა გააგრძელონ ოჯახური ტრადიცია. სწორედ ამ მიზნით ხვდებიან ვამპირი და მონადირე გოგოები ერთმანეთს…
Netflix-ის ახალ თინეიჯერულ სერიალში სარა კეტრინ ჰუკი და აიმან ლიუისი მონაწილეობენ.
სერიალი Netflix-ის პლატფრომაზე 10 ივნისს დაემატება.
