Heartstopper-ის ჯო ლოკს სურს, რომ დისნეის პირველი გეი პრინცის როლი შეასრულოს

სულ რამდენიმე კვირის წინ Netflix-ის პლატფორმაზე ახალი ქვიარ სერიალი, Heartstopper გამოჩნდა. სერიალი ორი მოზარდი ბიჭის სიყვარულის ისტორიას გვიამბობს.

სასკოლო რომანტიკულ კომედიაში მთავარი როლის შემსრულებელი ჯო ლოკი უკვე გახდა მრავალი ახალგაზრდა და არა მხოლოდ ახალგაზრდა მაყურებლის საყვარელი მსახიობი.

18 წლის ჯო ლოკისთვის ეს როლი პირველია, ბრიტანელმა მსახიობმა როლის მისაღებად ძალიან დიდი გზა გაიარა, ნიჭის და ქარიზმის დამსახურებით, ის 10 000 მსახიობიდან შეარჩიეს Netflix-ის ახალ ქვიარ რომ-კომში მთავარი როლის შემსრულებლად.

The Independent-თან საუბარში, მსახიობი ამბობს, რომ ის სიხარულისგან ყვიროდა, როცა გაიგო, რომ როლი მისი იყო: „ეს სერიალი ჩემთვის არის ლამაზი ისტორია მიმღებლობასა და სიყვარულზე, მეგობრობასა და ბედნიერებაზე“.

სერიალი აჩვენებს ქვიარობის დადებით მხარეებს, ქვიარ ადამიანები იზრდებიან იმ განცდით, რომ ისინი არ იმსახურებენ სიყვარულს, რადგან ვერ სარგებლობენ იმავე პრივილეგიებით, რა პრივილეგიებითაც სარგებლობენ ჰეტეროსექსუალი ადამიანები. Heartstopper-ში ყველაფერი პირიქითაა და ცდილობს, ის მისცეს პერსონაჟებს, რაც ასე აკლიათ ქვიარ ადამიანებს რეალურ ცხოვრებაში.

მსახიობი იმედოვნებს, რომ სერიალის მეორე სეზონსაც გადაიღებენ, თუმცა ჯერჯერობით Netflix არ ავრცელებს ინფორმაციას მეორე სეზონთან დაკავშირებით.

კუნძულ მენიზე დაბადებული მსახიობი ასევე მოუთმენლად ელის ახალ როლებს და სურს, რომ დისნეის პირველი გეი პრინცის როლი შეასრულოს.

მსახიობმა ინტერვიუში ასევე თქვა, რომ ქასთინგში მონაწილეობა მეგობრების და ოჯახის წევრების რჩევით მიიღო და უეცრად მთელი მისი ცხოვრება შეიცვალა- ,,ასე მგონია, ჩემი ოცნებები ხდება.”

სერიალი ელის ოსმანის გრაფიკული რომანების სერიას ეფუძნება და მომდევნო ნაწილებში უფრო კარგად ჩანს მთავარი გმირის, ჩარლის მენტალური პროლემები.

ჯო ლოკი ამბობს, რომ  მოზარდების სერიალები მენტალურ პრობლემებს ძალიან ბნელი კუთხიდან წარმოაჩენს – ,,ჩვენი მიზანია, ოპტიმისტურად ვაჩვენოთ  ის პრობლემები, რომლებიც დღეს მოზარდებს აქვთ.”

Heartstopper-ის პირველი სეზონის ნახვა Netflix-ის პლატფორმაზეა შესაძლებელი.

წინა

შუტი გატვა შემდეგი Doctor Who იქნება

შემდეგი

პაპი ფრანცისკე: ღმერთი მამაა, რომელიც არცერთ შვილს არ უარყოფს

ბოლო სიახლეები

დედაენის ბაღში ირანის სოლიდარობის ღონისძიება გაიმართება

FacebookTweetLinkedInEmail 11 დეკემბერს, დედაენის ბაღში ირანში მიმდინარე პროტესტის მხარდასაჭერი ღონისძიება, ირანის თავისუფლებისთვის გაიმართება, რომელზეც ქართველი ფოტოგრაფების

კინტოს სიმღერის მიხედვით შექმნილი ქართული ილუსტრაცია გეი სიყვარულზე

FacebookTweetLinkedInEmail Facebook-ის ერთ-ერთმა მომხმარებელმა, Kalioras Lika-მ გრაფიკული ილუსტრაცია მიუძღვნა სსრკ-ში, 1950-იან წლებში ჩაწერილ კინტოს სიმღერას, რომელთან