კითხვები, რომლებიც დაქამინგაუთებულ ადამიანს არ უნდა დავუსვათ

როგორ მოიქცევით, მეგობარმა თქვენთან დაქამინგაუთება თუ გადაწყვიტა? ჰკითხავთ, დარწმუნებული არის ამაში თუ, უბრალოდ, ეტყვით, რომ მისით ამაყობთ? სამწუხაროდ, ბევრი ადამიანი პირველ ვარიანტს აირჩევს, რადგან სათანადო ცოდნა არ აქვს ლგბტ+ საზოგადოების შესახებ.

შესაბამისად, თუ თქვენ გარშემო არის ადამიანი, რომელიც ახალი დაქამინგაუთებულია, ნაცვლად იმისა, რომ უამრავი კითხვა დაუსვათ, აჯობებს, ჯერ თავად ჩაატაროთ მცირე მოკვლევა.

ჩვენ გეტყვით, რა კითხვები არ უნდა დაუსვათ ლგბტ+ თემის წევრებს.

დარწმუნებული ხარ ამაში?

ბევრი ფიქრობს, რომ ცუდი ტონი არ არის, ჰკითხო ადამიანს, დარწმუნებულია თუ არა საკუთარ გადაწყვეტილებაში, რადგან ავიწყდებათ, რომ ლგბტ+ საზოგადოების წევრობა ბუნებრივია. სანამ ვინმეს ამ კითხვას დაუსვამთ და ჩაეძიებით, როგორ აღმოაჩინეს ეს, ან დარწმუნებულები არიან თუ არა ამაში, გაითვალისწინეთ, რომ შესაძლოა, გარკვეულმა სიტყვებმა უფრო დიდი ზიანი მიაყენოს მათ, ვიდრე ამის წარმოდგენა შეგიძლიათ. ამიტომ, კითხვების დასმამდე, კარგად უნდა დავფიქრდეთ და წინასწარ გავიაზროთ მათი მნიშვნელობა.

ეს მხოლოდ ერთ-ერთი ფაზაა?

დაქამინგაუთებული ადამიანის მიმართულებით დასმულ კითხვას – არის თუ არა ეს მხოლოდ ეტაპი? – საკმაოდ ხშირად მოისმენთ. ეს მხოლოდ არასწორი კი არა, ძალიან უხერხულიცაა. ლგბტ ადამიანად იდენტიფიცირება არ არის ეტაპი, რომელიც რაღაც მომენტში „გაივლის“, ამის გააზრება მნიშვნელოვანია. შესაძლოა, განსჯამ და უცნაური კითხვების დასმამ ადამიანს თავი უხერხულად და საზოგადოებისთვის მიუღებლად აგრძნობინოს.

კაცმა/ქალმა გული ხომ არ გატკინა?

თუ ადამიანი იდენტიფიცირდება როგორც ლესბოსელი ან გეი, ხშირად ფიქრობენ – ეს იმის ბრალია, რომ მათ გული ატკინეს და ამიტომ „გადაწყვიტეს“ ორიენტაციის შეცვლა. პირველ რიგში, უნდა გვახსოვდეს, ორიენტაციას ჩვენით არ ვირჩევთ. ლგბტ ადამიანების უმეტესობა თავს არაკომფორტულად გრძნობს, როდესაც საკუთარი სექსუალობის შესახებ კითხვებს უსვამენ. რატომ უნდა ჩავაგდოთ ისინი უხერხულ მდგომარეობაში და პირად დეტალებში ჩავეძიოთ, როცა უბრალოდ მათი მხარდაჭერა შეგვიძლია?

და ბოლოს, თუ ამის გაკეთება ჩვენს ძალებს აღემატება, სჯობს, ჩუმად ვიყოთ.

 

ილუსტრაცია: Nadia Bormotova

წინა

ქვიარ გამოცდილებები ანტიკურ სამყაროში და ქრისტიანული სწავლება, რომელიც სიძულვილის დასაყრდენად იქცა

შემდეგი

ტრანსგენდერი მსახიობი ლავერნ კოქსი შონდა რაიმსის ახალ სერიალში ითამაშებს

ბოლო სიახლეები

პრემიერმა ღარიბაშვილმა და ევროპარლამენტის პრეზიდენტმა საქართველოს დასავლური კურსი განიხილეს

Facebook4Tweet0Shares4 საქართველოს პრემიერმინისტრი, ირაკლი ღარიბაშვილი და ევროპარლამენტის პრეზიდენტი, რობერტა მეცოლა ერთმანეთს შეხვდნენ და ქვეყნის დასავლური კურსი

Heartstopper-ის ტრანსგენდერი მსახიობი იასმინ ფინი Doctor Who-ს ახალ სეზონში მიიღებს მონაწილეობას

Facebook15Tweet0Shares15 სულ რამდენიმე კვირის წინ Netflix-ის მცირე ეკრანებზე ახალი ქვიარ სერიალი Heartstopper გამოვიდა, რომელშიც ერთ-ერთ მთავარ