პასტორი, რომელიც HBO-ს დრეგ შოუში გამოჩნდა, გაათავისუფლეს

კრეიგ დიუკი, ნიუბურგის გაერთიანებული მეთოდისტური ეკლესიის პასტორი ინდიანას შტატ ქალაქ ევანსვილში, HBO-ს სერიალ We’re Here-ის ბოლო ეპიზოდში გამოჩენის შემდეგ „პასტორალური მოვალეობებისგან გათავისუფლდა.’’

ადგილობრივმა ორგანიზაცია Evansville Pride-მა პასტორს სერიალში მონაწილეობის მისაღებად რეკომენდაცია გაუწია. სერიალში ცნობილი დრეგ ქვინები მონაწილეობენ, რომლებიც პატარა ქალაქებში მოგზაურობენ და ადგილობრივებს თავიანთ ისტორიებსა და გამოცდილებას უზიარებენ. დიუკისთვის ეს იყო შესანიშნავი შანსი, მხარი დაეჭირა ქალიშვილისთვის, რომელიც ორი წლის წინ დაქამინგაუთდა, როგორც პანსექსუალი.

Jake Giles Netter/HBO

დიუკმა შოუში ყოფნის შესაძლებლობა აღწერა, როგორც „წარმოუდგენლად მშვენიერი, სიღრმისეული, ძლიერი სულიერი გამოცდილება.“ შეიძლება ითქვას, რომ სერიალში მონაწილეობამ პასტორის ცხოვრებაში დიდი გარდატეხა მოახდინა. „მე ვიყავი გარშემორტყმული და ჩაძირული ისეთ კულტურაში, რომლის ნაწილიც არასდროს ვყოფილვარ და მივხვდი, თუ გინდა, მსახურებაში განსხვავებული ხალხი შემოიერთო, უნდა გაეცნო მათ და წახვიდე იქ, სადაც განსხვავებული ხალხია, შოუში მონაწილეობამ კი, ამის საშუალება მომცა.“ – თქვა მან.

კრეიგ დიუკის გულისამაჩუყებელი განცხადების მიუხედავად, ნიუბურგის გაერთიანებული მეთოდისტური ეკლესიის ნაწილი, როგორც ჩანს, წინააღმდეგი აღმოჩნდა პასტორის სერიალში გამოჩენის, რის შემდეგაც დიუკი მთავარი პასტორის თანამდებობიდან გაათავისუფლეს. ხალხმა დიუკისა და მისი მეუღლის დასახმარებლად GoFundMe-ის საშუალებით ფულის შეგროვება დაიწყო.

Johnnie Ingram/HBO

„პასტორი კრეიგი თავს მორწმუნე ადამიანად, მამად, ქმრად, სოციალური სამართლიანობის დამცველად და ლგბტ+ საზოგადოების მოკავშირედ თვლის. ის იბრძოდა სრულიად ინკლუზიური ეკლესიისთვის, რომელიც მიესალმება ყველა რასის, სქესისა და ორიენტაციის ადამიანს. მას სურდა, დამდგარიყო დღე, როდესაც ნებისმიერი ადამიანი შეძლებდა დაქორწინებას გაერთიანებულ მეთოდურ ეკლესიაში.“ – განაცხადეს ფონდის დამაარსებლებმა.

დიუკს თანხის შეგროვებაში HBO-ს სერიალის მონაწილე დრეგ ქვინი ევრიკა ო’ჰარაც ეხმარება. მან ტვიტერზე პოსტი განათავსა, რომელიც სრულდება სიტყვებით – „თუ შემოწირულობა შეგიძლია, მშვენიერია! თუ არ შეგიძლია, გააზიარე!“

წყარო: advocate.com

წინა

„პატარა საყვარელი მატყუარების“ ჯულიან მორისმა ქამინგაუთი გააკეთა

შემდეგი

ახლო აღმოსავლეთის ქვეყნებმა სპილბერგის ახალი ფილმი LGBTQ პერსონაჟის გამო აკრძალეს

ბოლო სიახლეები

აივისა და ჰეპატიტების ტესტირების კვირეულისას, საქართველოს ქალაქებში ტესტის გაკეთება უფასო იქნება

Facebook0Tweet0Shares0 დღეს ევროპაში აივ-ინფექციისა და ჰეპატიტების ტესტირების კვირეული დაიწყო, რომელიც 2013 წლიდან მიმდინარეობს და სამოქალაქო საზოგადოებას,

They/Them – გარდაქმნის თერაპიაზე საშინელებათა ჟანრის ფილმს გადაიღებენ

Facebook2Tweet0Shares2 ონლაინ სტრიმინგ სერვისი Peacock გარდაქმნის თერაპიაზე საშინელებათა ჟანრის ფილმს გადაიღებს. ფილმი, რომელშიც მთავარ როლს კევინ

ესპანეთი ქალებისთვის სამდღიანი მენსტრუალური შვებულების შემოღებას აპირებს

Facebook13Tweet0Shares13 ესპანეთში ქალებისთვის, რომლებსაც მენსტრუაციის დროს ძლიერი ტკივილი აწუხებთ, სამდღიანი მენსტრუალური შვებულების დაწესება იგეგმება. მთავრობა ახალი