„ეიფორია“ მეორე სეზონით ბრუნდება – ყველაფერი ქვიარ სერიალის ახალ სეზონზე

სულ ახლახანს ინტერნეტში პოპულარული ამერიკული ქვიარ სერიალის, „ეიფორიას“ მეორე სეზონის ტრეილერი გავრცელდა. HBO-ს სერიალი ახალი სეზონით 2022 წლის 9 იანვარს დაბრუნდება.

Emmy-ის და სხვა მრავალი ჯილდოს მფლობელი სერიალი ახალგაზრდების ცხოვრებასა და პრობლემებზე გვიამბობს, ცენტრალურ გმირებად კი ნარკოდამოკიდებული რუ (ზენდეია) და ტრანსგენდერი პერსონაჟი, ჯულსი (ჰანტერ შეფერი) გვევლინებიან.

 

სერიალი 2019 წელს გამოვიდა ეკრანებზე და კოვიდ პანდემიის გამო მეორე სეზონის პრემიერა 2022 წლამდე გადაიდო, თუმცა გასულ წელს მაყურებელმა ორი სპეციალური ეპიზოდი იხილა, სადაც რუ და ჯულსი გვიზიარებენ თავიანთ ემოციურ ისტორიას.

 

როგორც ოფიციალური წყაროებიდან დასტურდება, სერიალს ახალი პერსონაჟები ემატება, ჯერჯერობით უცნობია თუ ვის როლს შეასრულებს სამი ახალი მსახიობი, მინკა კელი, დომინიკ ფაიკი და დემეტრიუს მიჩი.

 

Teen Vogue-თან ინტერვიუში ზენდეიამ აღნიშნა, რომ ახალი სეზონი იმაზე დრამატული იქნება, ვიდრე წინა სეზონი და რუს რთული გზის გავლა მოუწევს. „დიუნის“ და „ადამიანი-ობობას“ მსახიობმა ასევე აღნიშნა, რომ სერიალის შექმნელები და სცენარისტები ძალიან დიდი პასუხისმგებლობით ეკიდებიან დაკისრებულ მოვალეობას, რადგან სერიალი მტკივნეულ თემებზეა და ისეთ პრობლემებს ეხება, როგორიც ნარკოდამოკიდებულება, ბულინგი, ტრანსგენდერი მოზარდების ცხოვრება და სექსუალური ძალადობაა.

 

აღსანიშნავია, რომ სერიალში შესრულებული როლის გამო ზენდეიამ ისტორიული გამარჯვება მოიპოვა Emmy-ის დაჯილდოვებაზე. 24 წლის მსახიობი პირველი ფერადკანიანი ქალია, რომელმაც გასულ წელს „საუკეთესო მსახიობი ქალის“ ჯილდო მიიღო.

წინა

ქვიარებიც ჭრიჭინებივით ქრებიან

შემდეგი

Lil Nas X-ის სიმღერამ გეი სექსზე 3 გრემის ნომინაცია მოიპოვა

ბოლო სიახლეები

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი

დააკავეს კაცი, რომელმაც 200-მდე ქალს 5000-მდე ფოტო და ვიდეო მოტყუებით და ფარულად გადაუღო

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43

ამარი – ტრანსგენდერი მომღერალი ძლიერი ხმით და საინტერესო ისტორიით

FacebookTweetLinkedInEmail ამარი American Idol-ის მონაწილეა, რომელმაც უამრავი მსმენელი მოხიბლა მსოფლიოს მასშტაბით. 28 წლის მომღერალი წარმოშობით ამერიკელია,

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

FacebookTweetLinkedInEmail 6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში”  ჩაიშალა. კრებული ქართველი მხატვრების