სულ მალე ეკრანებზე რიდლი სკოტის ახალი ფილმი, House of Gucci გამოვა, რომელიც მოდის სახლ Gucci-ის დამფუძნებელ ოჯახზსა და გასული საუკუნის ერთ-ერთ სკანდალურ მკვლელობაზე გვიამბობს.
ფილმი, რომელიც ნოემბრის ბოლოს გამოვა ეკრანებზე, მთავარ როლებში ამერიკელი პოპ-ვარსკვლავი ლეიდი გაგა, ადამ დრაივერი და ოსკაროსანი ჯარედ ლეტო მოგვევლინებიან.
გასულ კვირას ბრიტანულ Vogue-თან ინტერვიუში ლეიდი გაგამ თქვა, რომ მაურიციო გუჩის ცოლის, პატრიცია რეჯიანის როლის შესრულებისთვის 3 წელი ემზადებოდა, ამ სამი წლიდან 8 თვის განმავლობაში კი, როგორც გადასაღებ მოედანზე, ასევე – კადრს მიღმა მხოლოდ იტალიური აქცენტით საუბრობდა. მომღერალმა კონტაქტი გაწყვიტა ოჯახის წევრებთან და მეგობრებთან და მთლიანად პატრიციას ცხოვრების და პიროვნების გამოკვლევით იყო დაკავებული.
მომღერალმა ინტერვიუში ასევე ისაუბრა, რომ როლში ზედმეტად შეჭრის გამო მას ფსიქოლოგიური სირთულეებიც დაეწყო, „გადაღებების დასასრულს იტალიაში ფეხით გასეირნება გადავწყვიტე, ქუდი დავიხურე, გარეთ სასეირნოდ ორი თვე არ ვყოფილვარ და უცებ პანიკური შეტევა დამეწყო, თავი ისევ გადასაღებ მოედანზე მეგონა“.
მიუხედავად იმისა, რომ ოსკაროსან ვარსკლავის შესრულებულ როლს დიდ წარმატებას უსურვებენ კრიტიკოსები, მის მიმართ უკვე გაჩნდა კრიტიკა, 35 წლის ვარსკლავმა უარი განაცხადა პირადად შეხვედროდა მაურიციო გუჩის მკვლელს, რადგან მას სურდა სხვების დახმარების გარეშე (მათ შორის პატრიცია რეჯიანის) შეექმნა კინოროლი. მსახიობის ამ ნაბიჯს გამაღიზიანებელი უწოდა მაურიციო გუჩის ცოლმა, რომელიც 18 წელი იხდიდა სასჯელს ყოფილი ქმრის მკვლელობის გამო.
ფილმი საქართველოს კინოთეატრებში 25 ნოემბერს გამოვა
