ლოს ანჯელესში, Gucci-იმ, არსებობის 100 წლის აღსანიშნავად, ფეშენ შოუ ,,სიყვარულის აღლუმი” წარადგინა. ჰოლივუდის ბულვარზე გამართული დეფილე Gucci-ის კრეატიული დირექტორის, ალესანდრო მიკელეს დედას ეძღვნებოდა, რომელიც კინოინდუსტრიაში მუშაობდა და მიკელის თქმით, მას „სილამაზის თაყვანისცემას“ ასწავლიდა.
შოუსთვის, ჰოლივუდის კლასიკური სამყაროსადმი სიყვარულის პარალელურად, მიკელემ ბულვარს ბერძნული ტაძრის ელფერი შესძინა, სადაც ცნობილი სახეები მითოლოგიურ გმირებად და თანამედროვე კერპებად მოგვევლინნენ. მათ შორის იყვნენ – ჯარედ ლეტო, მაკოლეი კალკინი, ფიბი ბრიჯერსი და კანადელი წარმოშობის აქტივისტი ჯანაია ფიუჩერ ხანი.
ჯარედ ლეტო
მაკოლეი კალკინი
ფიბი ბრიჯერსი
ხანი, რომელიც გენდერულად არაკონფორმულია, Black Lives Matter Toronto-ს თანადამფუძნებელია და მოდაში მეტი თანასწორობის მისაღწევ კამპანიას ადვოკატირებდა, შოუების მრავალფეროვნების გასაზრდელად, პარტნიორობდა გუჩის მსგავს ბრენდებთან.
კითხვაზე, თუ რა მნიშვნელობის მატარებლი იყო დეფილეზე ბაინდერით (მკერდზე შემოკრული სარტყელით) გამოსვლა, მან თქვა – ,,ეს არ არის მხოლოდ მოდის ინდუსტრიაზე გავლენა, ეს არის გავლენა მსოფლიოზე. ეს ის მასშტაბია, რომლისთვისაც ყველანი უნდა ვიბრძოდეთ. ზოგადად, რასაც სოციალური მედია და მოდა აკეთებს, დასრულებული პროექტია. ტრანს ადამიანებისთვის ბაინდერების ყიდვა და მათი დიდი ხნის განმავლობაში გამოყენება, ტრანზიციის განუყოფელი ნაწილია, მაგრამ ჩვენ ვერ ვხედავთ ამ პროცესს. ასე რომ, ვფიქრობ, მართლაც მშვენიერია, მოდის ერთ-ერთ უმაღლეს მასშტაბებზე წარმოადგინო ნაკლებად ხილვადი კატეგორია.”
დღესდღეობით, მოდა, თანდათან უფრო აკეთებს აქცენტს მრავალფეროვნებასა და ინკლუზიაზე. ჩვენ ახლახან ვიხილეთ ელიოტ პეიჯი Balenciaga-ს 2022 წლის გაზაფხულის ჩვენებაზე, დომენიკ ჯექსონი – Mugler-ის დეფილეზე და არიელ ნიკოლსონი, პირველი ტრანს ქალი, რომელიც ამერიკული Vogue-ის გარეკანზე მოხვდა.
ელიოტ პეიჯი
დომენიკ ჯექსონი
არიელ ნიკოლსონი
