ბრიტანელი პოპ-ვარსკვლავი და ჯგუფ One Direction-ის ერთ-ერთი წევრი, ჰარი სთაილსი, ფანს ქამინგაუთში დაეხმარა.
შემთხვევა 3 ნოემბერს, მომღერლის საკონცერტო ტურის Love on Tour-ის ფარგლებში, ვისკონსინის შტატში მოხდა, მომღერალმა ერთ-ერთი სიმღერის შესრულების დროს, გოგონას პლაკატი დაინახა, რომელზეც ეწერა „დამეხმარე ქამინგაუთის გაკეთებაში, დედაჩემი 201-ე სექციაში იმყოფება“.
პოსტერის დანახვის შემდეგ, გრემის მფლობელი 27 წლის ვარსკლავი გოგონასთან მივიდა, მიკროფონი გადასცა და საშუალება მისცა, თავად გაეკეთებინა განცხადება, გოგონა ბევრმა ხალხმა შეაშინა და ვერ გაბედა ქამინგაუთის გაკეთება, თუმცა ჰარი სთაილსმა მას შესთავაზა, რომ თვითონ გააჟღერებდა მიკროფონში და მალევე მიმართა დედას: „ლიზა, ის გეია“.
შოუს დამთავრების შემდეგ, გოგონამ თვითერზე მადლობა გადაუხადა ჰარი სთაილს უსაფრთხო გარემოს შექმნისთვის და თქვა, რომ მას ეს დღე არასდროს დაავიწყდება.
ახალგაზრდა ბრიტანელი ვარსკლავი თავისი უკანასკნელი საკონცერტო ტურის განმავლობაში ხშირად უცხადებს ლგბტ+ ადამიანებს მხარდაჭერას.
