საფრანგეთის დიდი ნაბიჯი კონვერსიული თერაპიის აკრძალვისკენ

ეროვნულ საკანონმდებლო ორგანოში კენჭისყრის შედეგად, საფრანგეთმა გადადგა დიდი ნაბიჯი კონვერსიული თერაპიის დისკრედიტირებული პრაქტიკის აკრძალვისკენ.

საფრანგეთის ეროვნულმა ასამბლეამ, პარლამენტის ქვედა პალატამ, სამშაბათს ერთხმად დაუჭირა მხარი 673-ის კანონპროექტს, რომელიც კონვერსიული თერაპიით დაკავებულ მედიცინის მუშაკებს დააჯარიმებს.

კანონი ითვალისწინებს 2 წლით თავისუფლების აღკვეთას ან ჯარიმის სახით 30,000 ევროს გადახდას. კანონმდებლობა განსაზღვრავს ამ მკურნალობას, როგორც “პრაქტიკას, ქცევებს ან სიტყვებს, რომელიც მიზნად ისახავს ,,პაციენტის” სექსუალური ორიენტაციის ან თვითმგამოხატვის შეცვლას ან დაკნინებას.” ეს კანონი კიდევ უფრო მკაცრ სასჯელს უწესებს თერაპევტებსა და სხვა პროვაიდერ კლინიკებს, რომლებიც მცირეწლოვან ბავშებს კონვერსიულ თერაპიას სთავაზობენ. სასჯელი მოიცავს 3 წლით თავისუფლების აღკვეთას და ჯარიმას 45,000 ევროს ოდენობით.

კანონმდებელმა ლორენს ვანსუნებროკმა ტვიტერზე დაწერა – ,,დღეს ნაციონალურ ასამბლეაზე ჩვენ ვაგრძელებთ ჩვენი შვილების დაცვას”.

ადვოკატებმა და დეპუტატებმა სოციალურ მედიაში კენჭისყრის შედეგების აღსანიშნავად, ჰეშთეგი #RienÀGuérir გამოიყენეს, რაც ითარგმნება შემდეგნაირად – ,,არაფერია განსაკურნებელი” და მადლობა გადაუხადეს ვანსუნებროკს, რომელიც ამ კანონის ინიციატორია. საფრანგეთის სენატის მიერ კანონპროექტის დამტკიცების შემთხვევაში, შესაძლოა, კონვერსიული თერაპია 2022 წლის თებერვლიდან აიკრძალოს.

კონვერსიულ თერაპია ეწინააღმდეგებიან ჯანმრთელობისა და ადამიანის უფლებების საერთაშორისო ორგანიზაციები, მათ შორის, ჯანდაცვის მსოფლიო ორგანიზაცია, მსოფლიო ფსიქიატრთა ასოციაცია და გაერო, რომლებმაც ამ პროცესს ,,წამების ტოლფასი” უწოდებს.

მიუხედავად კონვერსიული თერაპიის მავნებლობისგან გამოწვეული უზარმაზარი უკუშედეგისა, მას მხოლოდ რამდენიმე ქვეყანა კრძალავს – გერმანია, რომელმაც აკრძალა ეს პრაქტიკა 2020 წელს, ასევე, აშშ-ს 20 შტატი. ქვეყნები, რომლებიც ჯერ კიდევ ზომებს იღებენ ამ მეთოდის წინააღმდეგ, არიან: ტაივანი, მალტა და ეკვადორი.

წყარო: them.us

წინა

7 მსახიობი ქალი, რომელიც შესანიშნავად ითამაშებდა აგენტი 007-ის როლს

შემდეგი

კვებითი აშლილობა – რა იწვევს ჭარბ წონას და რა უნდა ვიცოდეთ სწორი კვების შესახებ

ბოლო სიახლეები

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი

დააკავეს კაცი, რომელმაც 200-მდე ქალს 5000-მდე ფოტო და ვიდეო მოტყუებით და ფარულად გადაუღო

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43

ამარი – ტრანსგენდერი მომღერალი ძლიერი ხმით და საინტერესო ისტორიით

FacebookTweetLinkedInEmail ამარი American Idol-ის მონაწილეა, რომელმაც უამრავი მსმენელი მოხიბლა მსოფლიოს მასშტაბით. 28 წლის მომღერალი წარმოშობით ამერიკელია,

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

FacebookTweetLinkedInEmail 6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში”  ჩაიშალა. კრებული ქართველი მხატვრების