ტაივანის სასამართლომ ტრანსი ადამიანების იძულებითი ქირურგიული ოპერაცია არაკონსტიტუციურად სცნო

ტაივანში ტრანს ადამიანები იძულებულნი იყვნენ, რეპროდუქციული ორგანოები ქირურგიული გზით ამოეღოთ, რათა მათი სქესი კანონიერად ეღიარებინათ.

ტაიპეის უმაღლეს ადმინისტრაციულ სასამართლოში მოსარჩელე Xiao E ამტკიცებდა, რომ არსებული პოლიტიკა ეწინააღმდეგებოდა კონსტიტუციას. 23 სექტემბერს, ხუთშაბათს, სასამართლომ გადაწყვეტილება მის სასარგებლოდ მიიღო და დაადგინა, რომ ქირურგიული გზით სქესის შეცვლის ოპერაციის მოთხოვნა არღვევდა თანასწორობისა და პროპორციულობის პრიციპებს.

ეს გადაწყვეტილება ლგბტ+ უფლებების გამარჯვებად შეაფასა ტაივანის Amnesty International– ის დირექტორმა ე-ლინგ ჩიუმ.

,,ეს არის გადამწყვეტი მომენტი ტაივანში ტრანსგენდერი ადამიანების უფლებებისთვის, სასამართლოს გადაწყვეტილება, უარი თქვას სავალდებულო ქირურგიულ მოთხოვნებზე იმ ადამიანებისთვის, რომლებიც ეძებენ გენდერულ აღიარებას, არის წინგადადგმული ნაბიჯი. თვითგამორკვევა და საკუთარი იდენტობის აღიარება არის პიროვნების ქვაკუთხედი და სასამართლოს გადაწყვეტილება ხაზს უსვამს ტაივანში გენდერული თანასწორობისა და ადამიანის უფლებების წინსვლას.” – თქვა ჩიუმ.

ტაივანში ტრანსი ადამიანები ყოველდღიურად განიცდიან დისკრიმინაციას და უთანასწორობას, როგორც სამართლებრივ სისტემაში, ისე სხვა სივრცეებში – სამუშაო ადგილსა თუ სკოლებში.

სასამართლოს გადაწყვეტილება შეესაბამება ადამიანის უფლებათა უმაღლესი კომისიის 2015 წლის ანგარიშს, რომლის მიხედვითაც, კანონიერი გენდერული აღიარება უნდა ეფუძნებოდეს თვითგამორკვევას და ეს უნდა იყოს მარტივი ადმინისტრაციული პროცესი. ანგარიშში აღნიშნულია: „გენდერის იურიდიული აღიარება უნდა იყოს ხელმისაწვდომი, უფასო და არ უნდა მოითხოვდეს ტრანსი ადამიანების მხრიდან შეურაცხმყოფელი სამედიცინო და სამართლებრივი მოთხოვნების შესრულებას.“

ტაივანი არ არის ერთადერთი ქვეყანა, სადაც ტრანსი ადამიანების უფლებები შელახულია. 2019 წელს იაპონიის უზენაესმა სასამართლომ მხარი დაუჭირა პოლიტიკას, რომელიც გენდერის ოფიციალურად აღიარებისთვის ქირურგიულ ოპერაციას ითხოვს. შვედეთშიც იყო მსგავსი პოლიტიკა 2012 წლამდე. 2017 წელს კი, მთავრობამ გამოაცხადა, რომ მთავრობა კომპენსაციას შესთავაზებს მათ, ვინც გაიარა იძულებითი სტერილიზაცია.

წყარო: bloomberg.com

წინა

პირადი ცხოვრების უფლება

შემდეგი

როგორ ესახებათ პოლიტიკოსებს ლგბტქ+ ადამიანების პრობლემების მოგვარება

ბოლო სიახლეები

სახალხო დამცველმა ლგბტქი თემის მხარდამჭერი განცხადება გამოაქვეყნა და ხელისუფლებას სათანადო რეაგირებისკენ მოუწოდა

Facebook5Tweet0Shares5 საქართველოს სახალხო დამცველმა ჰომოფობიასთან, ბიფობიასთან და ტრანსფობიასთან ბრძოლის დღესთან დაკავშირებით განცხადება გამოაქვეყნა, რომელშიც აღნიშნულია, რომ

გაეროსა და ევროკავშირის წარმომადგენლობამ, ევროკავშირის სადამკვირვებლო მისიამ და ქვეყანაში მოქმედმა საელჩოებმა ლგბტქი თემის მხარდამჭერი განცხადება გამოაქვეყნეს

Facebook2Tweet0Shares2 საქართველოში გაეროსა და ევროკავშირის წარმომადგენლობამ, ევროკავშირის სადამკვირვებლო მისიამ და ქვეყანაში მოქმედმა საელჩოებმა ჰომოფობიასთან, ბიფობიასთან და

ჩვენი სხეული, ჩვენი სიცოცხლე, ჩვენი უფლებები – 2022 წლის 17 მაისის მთავარი თემა

Facebook2Tweet0Shares2 17 მაისი ჰომოფობიის, ბიფობიისა და ტრანსფობიის წინააღმდეგ ბრძოლის საერთაშორისო დღეა, რომელიც ოფიციალურად ევროპის პარლამენტისა და

17 მაისი: მეხსიერება და პერსპექტივები — პანელური დისკუსია წარსულის გამოცდილების გადაფასებისა და სამომავლო პერსპექტივების დასახვის მიზნით

Facebook26Tweet0Shares26 ჰომოფობიასთან, ტრანსფობიასთან და ბიფობიასთან ბრძოლის საერთაშორისო დღესთან დაკავშირებით, Tbilisi Pride-მა ეროვნული დემოკრატიული ინსტიტუტის (NDI) მხარდაჭერით,

აივისა და ჰეპატიტების ტესტირების კვირეულისას, საქართველოს ქალაქებში ტესტის გაკეთება უფასო იქნება

Facebook13Tweet0Shares13 დღეს ევროპაში აივ-ინფექციისა და ჰეპატიტების ტესტირების კვირეული დაიწყო, რომელიც 2013 წლიდან მიმდინარეობს და სამოქალაქო საზოგადოებას,