Ford-მა ცოტა ხნის წინ თავისი ახალი ლურჯი Ford Ranger Raptor წარმოადგინა, რომელმაც დიდი მოწონება დაიმსახურა. სოციალურ მედიაში კრიტიკა და ტროლები გასაკვირი არავისთვის არის და ახალი მანქანის შეფასებისას შემდეგი შინაარსის კომენტარი გაჩნდა: „მაგარი მანქანაა, მაგრამ ეს ლურჯი ფერი ძალიან ”გეია”, გადაღებეთ შავად ან ოქროსფრად!“
ამ კომენტარს გამოხმაურებები მოჰყვა, თუმცა ყველაზე დიდი „გამოხმაურება“ თავად Ford-ს ეკუთვნის. კომპანიამ მალევე გამოუშვა საპასუხო ვიდეო, სადაც ლურჯი მანქანა ოქროსფერი მბზინავი ელფერით ცისარტყელას ფერებშია გადაღებილი.
კომპანიამ განაცხადა, რომ კიდევ ერთხელ აფიქსირებს საკუთარ პოზიციას, როგორც ქვიარ ადამიანების მხარდამჭერი და მოკავშირე. ასევე დასძენს, რომ არასდროს შეეგუება დისკრიმინაციულ გამოსვლებს.
წყარო: advocate.com
