GoFundMe ფულს ლგბტქ+ ავღანელების დასახმარებლად აგროვებს

GoFundMe კამპანიური ტიპის ორგანიზაციაა, რომელიც მთელი მსოფლიოს მასშტაბით აგროვებს თანხებს სხვადასხვა მოწყვლადი ჯგუფისთვის. GoFundMe-ის მთავარი მისია უკეთესი სამყაროს შექმნის ხელშეწყობა და იმ ადამიანებისა თუ ჯგუფის განვითარებაა, რომლებსაც თავიანთი ისტორიის ფართოდ გავრცელება სჭირდებათ.  GoFundMe-ის უკვე 5 მილიარდ დოლარზე მეტი აქვს შეგროვებული.

ამჯერად, დახმარების მიზნით, GoFundMe-მ დაიწყო ლგბტქ+ ავღანელების მხარდასაჭერი კამპანია. თალიბების მიერ ქვეყნის ხელში ჩაგდების შემდეგ, მათ უკვე დევნის ავღანეთის ახლადშემქმნილი მთავრობა.

კამპანიის ფარგლებში უკვე შეგროვდა 50,000 აშშ დოლარი, რომელიც პირდაპირ გაეგზავნება ლგბტქ+ ავღანელებს. GoFundMe -ის დაფინანსება დაეხმარება მათ, გააკეთონ საჭირო საბუთები, გადაიხადონ მოგზაურობის თანხა და მიიღონ დროებითი საცხოვრებელი ქვეყნიდან გაქცევის შემთხვევაში.

კამპანია შეიქმნა ავსტრალიაში დაბადებული ქვიარ მწერლის, ბობუკ საიდის მიერ, რომელიც ავღანური წარმოშობისაა და მას ასევე ავღანური წარმოშობის მეგობრები ეხმარებიან კამპანიის განხორციელებაში.

ავღანეთში ლგბტქ+ ადამიანების მიმართ მტრული განწყობების გამო, მათ უკვე ემუქრებათ სხვადასხვა საფრთხე:  შეიძლება დაკარგონ სამსახური, ან უარესი – ემუქრებათ სიცოცხლის მოსპობის საშიშროება.

ივლისში, თალიბანის მოსამართლემ გერმანულ გაზეთ Bild- ს განუცხადა, რომ ლგბტქ+ ადამიანებს ქვებით ჩაქოლავდნენ ან 10-მეტრიანი კედლიდან გადმოყრიდნენ. ამ კონკრეტულ სასჯელს შარიათის კანონი ითვალისწინებს. ბევრს ეშინია, რომ ავღანეთში ის პერიოდი დაბრუნდება, როდესაც ქალებს არ ჰქონდათ უფლება, ესწავლათ სკოლებში, აკრძალული იყო მუსიკა და ცეკვა, ხოლო ჰაზარასების – სპარსულად მოსაუბრე ავღანელი ირანელების, ლგბტ ადამიანებისა და “ამორალური ქცევისთვის” მოკვლა ჩვეულებრივი ამბავი იყო.

ადვოკატირების ჯგუფები მთელს მსოფლიოში მოუწოდებენ თავიანთ მთავრობებს, მხარი დაუჭირონ ლგბტქ+ ლტოლვილებს, როდესაც ისინი ცდილობენ, დატოვონ ქვეყანა. ILGA World-მა, Human Dignity Trust-მა და OutRight Action Internationa-მა გამოაქვეყნეს ერთობლივი განცხადება, რომელშიც ნათქვამია, რომ მსოფლიო ვალდებულია, დაიცვას „დაუცველი პირები ზიანისა და ძალადობისგან“, მათ შორის, ლგბტქ+ ლტოლვილები და თავშესაფრის მაძიებლები.

წყარო: gofundme.com

წინა

ალასტერ ბრიუსი – ბრიტანეთის უმაღლესი რანგის ოფიცრის ქვიარ ისტორია

შემდეგი

ქვიარად ყოფნა უნგრეთში ორბანის რეპრესიების შემდეგ

ბოლო სიახლეები

აივისა და ჰეპატიტების ტესტირების კვირეულისას, საქართველოს ქალაქებში ტესტის გაკეთება უფასო იქნება

Facebook8Tweet0Shares8 დღეს ევროპაში აივ-ინფექციისა და ჰეპატიტების ტესტირების კვირეული დაიწყო, რომელიც 2013 წლიდან მიმდინარეობს და სამოქალაქო საზოგადოებას,

They/Them – გარდაქმნის თერაპიაზე საშინელებათა ჟანრის ფილმს გადაიღებენ

Facebook7Tweet0Shares7 ონლაინ სტრიმინგ სერვისი Peacock გარდაქმნის თერაპიაზე საშინელებათა ჟანრის ფილმს გადაიღებს. ფილმი, რომელშიც მთავარ როლს კევინ

ესპანეთი ქალებისთვის სამდღიანი მენსტრუალური შვებულების შემოღებას აპირებს

Facebook36Tweet0Shares36 ესპანეთში ქალებისთვის, რომლებსაც მენსტრუაციის დროს ძლიერი ტკივილი აწუხებთ, სამდღიანი მენსტრუალური შვებულების დაწესება იგეგმება. მთავრობა ახალი