ივნისი 2023

ისტორიული ფიგურები, რომელთა შესახებ შესაძლოა არ იცოდეთ, რომ ქვიარები იყვნენ

მიუხედავად იმისა, რომ დღესდღეობით შედარებით ადვილია ქვიარ აიდოლების პოვნა, შეიძლება ისე ჩანდეს, რომ 20-ე საუკუნამდე არც ისე ბევრი ქვიარი ცნობილი ადამიანი არსებობდა.

ისტორიის უმეტესობა ქვიარ ადამიანებს არ სწყალობდა, სწორედ ამიტომ, ბევრი ფიგურა ვერ აღიარებდა ნამდვილ იდენტობას.

საბედნიეროდ, ისტორიკოსებმა ბევრი იმუშავეს, რომ რამდენიმე ისტორიული ფიგურის ნამდვილი სექსუალური იდენტობა აღმოეჩინათ. ამ სტატიის წაკითხვის შემდეგ გაიცნობთ ისტორიულ ფიგურებს, რომელთა შესახებაც სკოლაში ისწავლეთ, მაგრამ არავის უხსენებია, რომ ლგბტქი თემის წევრები იყვნენ.

ლეონარდო და ვინჩი

ვალტერ ისააკსონის წიგნი, სახელწოდებით „ლეონარდო და ვინჩი: ბიოგრაფია“

კარგად აჩვენებს, რომ ლეონარდო და ვინჩი მე-15 საუკუნეში, ფლოერნციაში, ცხოვორბდა, როგორც ღიად გეი მამაკაცი.

ტექსტში, რომელიც ეყრდნობა მხატვრის საკუთარ რვეულებს, მოთხრობილია, თუ როგორ ჰყავდა და ვინჩის ახალგაზრდა მამაკაცი კომპანიონები.

მან ასევე არაერთხელ ასახა მამაკაცის სექსუალობა თავის ხელოვნებაში და სიცოცხლის განმავლობაში სოდომიის ბრალდებას წააწყდა.

მხატვარი ორჯერ საჯაროდ დაადანაშაულეს გეი სექსში და ახალგაზრდა მამაკაცი პროტეჟე ჩამოაშორეს ლეონარდოსთან „ბოროტი ცხოვრების“ გამო. მისი ნაწერები არაერთხელ ასახავდა მამაკაცებისადმი მის მიზიდულობას და ქალებთან სექსის სურვილის არ ქონას.

მეფე ჯეიმს VI და I

მეფეს, რომელიც მართავდა 1567 წლიდან 1625 წლამდე, საყოველთაოდ აღიარებულია, რომ სიცოცხლის განმავლობაში რამდენიმე ქვიარ ურთიერთობა ჰქონდა.

ჯეიმსი ხშირად აძლევდა ტიტულებს თავის საყვარლებს, მათ შორის რობერტ კარს სომერსეტის გრაფის ტიტული მიანიჭა.

მას ასევე უყვარდა ჯორჯ ვილიერი და იგი რაინდი, გრაფი და მოგვიანებით ბუკინგემის ჰერცოგი გახადა.

მიუხედავად იმისა, რომ უამრავი მტკიცებულება არსებობს მეფესა და ვილიერს შორის ურთიერთობის შესახებ, ის დიდი ხნის განმავლობაში უარყოფილი იყო საზოგადოების მხრიდან.

მეფისადმი მიწერილ წერილებში ვილიე წერდა: „მე ბუნებრივად მიყვარს შენი პიროვნება და ვაღმერთებ შენს ყველა სხვა ნაწილს, რომელიც იმაზე მეტია, ვიდრე ოდესმე ერთ ადამიანს ჰქონია“.

სელმა ლაგერლოფი

სელმა ლაგერლოფი პირველი ქალი მწერალია, რომელსაც ნობელის პრემია მიენიჭა ლიტერატურაში, 1909 წელს.

1992 წელს, სელმას და მისი ებრაელი შეყვარებულისა და მწერლის, სოფი ელკანის, წერილები გამოქვეყნდა წიგნში „შენ მასწავლი თავისუფლებას“ (Du lär mig att bli fri).

ქალები ერთმანეთს პირველად 1894 წელს შეხვდნენ და ელკანის გარდაცვალებამდე 1921 წლამდე ერთად იყვნენ. ამასობაში ათასობით წერილი მისწერეს ერთმანეთს.

ერთ-ერთ მათგანში სელმა სოფის წერს: „ყველგან ჩემთან ერთად ხარ, გხედავ, შენი მესმის და შენთან ერთად ვცხოვრობ. ამის გაკეთებას, რომ ვეღარ შევძლებ ძალიან მომენატრები“.

უილიამ შექსპირი

იდეა, რომ ყველა დროის ყველაზე შესანიშნავი ბრიტანელი დრამატურგი ქვიარი იყო, ისტორიულად საკამათოა. თუმცა, მას მრავალი ექსპერტი და ლეგენდარული მსახიობი სერ იან მაკკელენიც კი უჭერდნენ მხარს.

2012 წელს სერ იან მაკკელენმა თქვა: ”მე ვიტყოდი, რომ შექსპირს ეძინა მამაკაცებთან. ვენეციის ვაჭარში, რომელიც ორიენტირებულია იმაზე, თუ როგორ ექცევა მსოფლიო გეებს ისევე, როგორც ებრაელებს, არის სასიყვარულო სამკუთხედი ხანდაზმულ მამაკაცს, ახალგაზრდა მამაკაცსა და ქალს შორის“.

2017 წელს, გრეგორი დორანმა, შექსპირის სამეფო კომპანიის სამხატვრო დირექტორმა განმარტა, რომ შექსპირმა დაწერა ციკლი 154 სონეტისგან, რომელიც გამოიცა 1609 წელს და მათგან 126 სონეტი ეძღვნებოდა კაცს და არა ქალს.

სტენლი უელსმა, Shakespeare Birthplace Trust-ის თავმჯდომარემ, 2016 წელს კომენტარი გააკეთა, რომ „როდესაც პოეტი, რომლის სახელია უილიამი (William), წერს ლექსებს მტკივნეული და დაუოკებელი სექსუალური გულახდილობის შესახებ, რომელიც სიტყვა „ნებას“ (Will) ეხება – 13-ჯერ [სონეტში] No135… არ არის უსაფუძვლო, რომ ის შეიძლება წერდეს საკუთარი გამოცდილების სიღრმიდან“.

რიჩარდ I

მეფე რიჩარდ I-ს, რომელიც თითქმის არ ატარებდა დროს მეუღლესთან და შვილები არ ჰყავდა, ამბობდნენ, რომ რომანი ჰქონდა საფრანგეთის მეფე ფილიპე II-სთან.

მისი სამეფო მდივანი როჯერ ჰოვედონი წერდა, რომ ორივენი ყოველდღე ერთსა და იმავე მაგიდასთან, ერთი კერძიდან ჭამდნენ და ღამით საწოლები არ აშორებდა მათ.

„საფრანგეთის მეფეს უყვარდა იგი, როგორც საკუთარი სული. მათ ისე უყვარდათ ერთმანეთი, რომ ინგლისის მეფე გაოგნებული იყო მათ შორის არსებული მძაფრი სიყვარულით და უკვირდა თუ რას შეიძლება ნიშნავდეს ეს“.

იულიუს კეისარი

 

რომის დიქტატორს მოწინააღმდეგები ხშირად დასცინოდნენ მისი ქვიარ ურთიერთობების გამო, რომლებზეც ჭორები დადიოდა.

გავრცელებული ინფორმაციით, მას ჰქონდა რომანი მეფე ნიკომედეს IV-სთან, რომელიც განაგებდა რომის ტერიტორიის აზიურ პროვინციას, სახელად ბითინიას.

ერთი ისტორიკოსის თქმით, კეისრის გალიის ტრიუმფის დროს მისი ჯარისკაცები მღეროდნენ: „კეისარმა შეიძლება დაიპყრო გალები, მაგრამ ნიკომედიმ დაიპყრო კეისარი“.

იმპერატორს დასცინოდა ზოგიერთი პოლიტიკური მოწინააღმდეგე, მაგალითად ბითინიის დედოფალი, რაც გვიჩვენებს, რომ ჰომოფობიური დაცინვის ისტორია გრძელი და განუკითხავია.

გარდა ამისა არსებობდა ჭორები, რომ კეისარს ჰქონდა ურთიერთობა თავის ინჟინერ მამურასთან და ოქტავიანესთან, რომელიც საბოლოოდ გახდა ავგუსტუსი, რომის იმპერიის პირველი იმპერატორი.

გაიცანით Pixar-ის პირველი არაბინალური პერსონაჟი

//

ახალ ანიმაციაში, Elemental-ში, წარმოდგენილია Pixar-ის პირველი არაბინარული პერსონაჟი, რომელსაც ახმოვანებს არაბინარული მსახიობი ავა კაი ჰაუზერი.

ანიმაციაში, რომელიც ამერიკის კინოთეატრებში 16 ივნისს გამოვიდა, ვითარება ხდება სამყაროში, სადაც ოთხი ელემენტია გაცოცხლებული. ანიმაცია ჰგავს, Inside Out-სა და Zootopia-ს. იგი ანთროპომორფირებული პერსონაჟებით ცდილობს მოჰყვეს ისტორია, რომელიც სოციალურ საკითხებს ეხება.

მთავარი პერსონაჟები არიან ცეცხლი ემბერ ლუმენი და წაყლი უეიდ რიპლი. ჰაუზერი ახმოვანებს უეიდის უმცროს ძმას, წყლის ელემენტს, ტბას, სახელად რიპლს. რიპლი იყენებს they/them ნაცვალსახელებს და ხშირად თან ახლავს პარტნიორი, რომელსაც ხელოვნების სკოლაში შეხვდა.

,,დიდი განცხადება, მე ვთამაშობ Pixar-ის პირველ არაბინალურ პერსონაჟს! გაიცანით ტბა! მე ვახმოვანებ ტბას ახალ ფილმში Elemental! დღეს ჩემს მეგობრებთან ერთად ვნახავ კინოთეატრებში, თუ გსურთ თქვენც შეგიძლიათ ნახოთ,“ – წერს ჰაუზერი ტვიტერზე.

სასამართლომ ლაზარე გრიგორიადისი პატიმრობაში დატოვა

//

თბილისის საქალაქო სასამართლომ მარტიების აქციების დროს დაკავებული ლაზარე გრიგორიადისი პატიმრობაში დატოვა. დაცვის მხარე აღკვეთი ღონისძიების სახით გირაოს შეფარდებას ითხოვდა. შემდეგი სასამართლო სხდომა 11 ივლისს ჩაინიშნა.

დღევანდელ პროცესზე სასამართლოს პირველად მიმართა ბრალდებულმა. გრიგორიადისმა ისაუბრა ირაკლი კობახიძისა და ირაკლი ღარიბაშვილის წინააღმდეგ შეტანილ სარჩელზე.

მისი თქმით, სურს, ორივე სასამართლოზე გამოცხადდეს და მათგან მოისმინოს არგუმენტები, რატომ ავრცელებდნენ მის წინააღმდეგ პატივისა და ღირსების შემლახავ განცხადებებს.

გრიგორიადისის განცხადებით, დავას გეგმავს ტელეკომპანია იმედის წინააღმდეგაც, რომელმაც, მისი თქმით, უდანაშაულობის პრეზუმფცია დაარღვია და კიდევ ერთი სარჩელის შეტანას გეგმავს თმის გადაპარსვასთან დაკავშირებით.

21 წლის ლაზარე გრიგორიადისი 29 მარტს დააკავეს, 31-ში კი აღკვეთი ღონისძიების სახით პატიმრობა შეუფარდეს. მას პოლიციელების მიმართ ძალადობასა და შინაგან საქმეთა სამინისტროს კუთვნილ მანქანაზე ცეცხლის წაკიდებას ედავებიან. მას 7-დან 11 წლამდე ვადით პატიმრობა ემუქრება.

სასამართლომ ლაზარე გრიგორიადისის მამა ფეისბუქზე გინების გამო დააჯარიმა

//

თბილისის საქალაქო სასამართლომ მარტის აქციების დროს დაკავებული ლაზარე გრიგორიადისის მამა ბექა გრიგორიადისი ფეისბუქზე გინების გამო 800 ლარით დააჯარიმა.

გრიგორიადისს პოლიციელის შეურაცხყოფასა და წვრილმან ხულიგნობას ედავებოდნენ. მისი ადვოკატის, ნესტან ლონდარიძის ცნობით, სასამართლოზე გამოკვლეული მტკიცებულებებით არ დადასტურდა, რომ გრიგორიადისმა პოლიციელს შეურაცხყოფა მიაყენა, მით უმეტეს, სასმახურებრივი მოვალეობის შესრულების დროს. ამიტომ, მოსამართლემ ამ ნაწილში საქმე შეწყვიტა, თუმცა დამნაშავედ მიიჩნია წვრილმანი ხულიგნობის ნაწილში.

ადვოკატი ამბობს, რომ ეს სახიფათო პრაქტიკაა და სოციალურ ქსელში გამოხატვის თავისუფლებას საფრთხის ქვეშ აყენებს.

ბოლო პერიოდში ეს სოციალურ ქსელში გაკეთებული განცხადების გამო დაჯარიმების მეორე შემთხვევაა. 21 ივნისს თბილისის საქალაქო სასამართლომ კურიერი Tik-Tok-ზე განთავსებული ვიდეოს შინაარსის გამო ადმინისტრაციულ სამართალდამრღვევად ცნო და 2 000 ლარით დააჯარიმა.

გლდანის პარკში ადმინისტრაციამ ფერადი ქოლგები ჩამოხსნა

/

გლდანის პარკში ადმინისტრაციამ ფერადი ქოლგები ჩამოხსნა. მიზეზად ისინი “საზოგადოებაში აჟიოტაჟს” ასახელებენ.

“პირველ რიგში უნდა აღვნიშნოთ, რომ მომხმარებელთა თხოვნითა და ჩვენი დიდი სურვილით დაიწყო გლდანის პარკის გადახალისების გარკვეული სამუშაოები, მაქსიმალურად ვცდილობთ ბავშვებს, ახალგაზრდებს, თითოეულ ადამიანს ვინც სტუმრობს ჩვენს პარკს სასიამოვნო გარემო დავახვედროთ. დღევანდელი პარკის მდგომარეობა კოვიდის პერიოდის სამწუხარო შედეგია და როგორც აღვნიშნეთ, გვაქვს დიდი სურვილი და გარკვეული მზაობა დავუბრუნოთ პარკს სიხალისე.

ახლა კი, რაც შეეხება აღნიშნულ ქოლგებს, რამაც აჟიოტაჟი გამოიწვია საზოგადოებაში, ეს არის გადახალისების ეტაპის ერთ-ერთი ნაწილი, ქოლგების ცნობილი დეკორაცია, რომელსაც მსოფლიოს სხვადასხვა ქვეყანაში შეხვდებით, ვიმეორებთ ეს არის მხოლოდ და მხოლოდ დეკორაცია, ფერადი ქოლგები ცისარტყელას ფერებში ბავშთა მხიარული განწყობისთვის შეირჩა და მას სხვა არანაირი დატვირთვა ჩვენთვის არ აქვს, არ ვეწევით არანაირ პროპაგანდას, თქვენ ჩვენ ქართველობას არ გართმევთ და მოდით ნუ წავართმევთ ბავშვებს ბავშვობას და ცისარტყელის ფერებს და მხიარულებას”, – ნათქვამია განცხადებაში.

მოგვიანებით ადმინისტრაციამ გამოცემა პუბლიკასთან განაცხადა, რომ ქოლგები აგრესიის გაღვივების თავიდან აცილების მიზნით ჩამოხსნეს.

“არ გვინდა, აგრესია გავაღვივოთ საზოგადოებაში. ისიც კი არ ვიცოდით, რომ პრაიდის კვირეულს დავამთხვიეთ, თორემ შეიძლებოდა თავი შეგვეკავებინა. როდესაც ქოლგები შევიძინეთ, არ გვიფიქრია, რომ საზოგადოებაში აჟიოტაჟს გამოიწვევდა. ქოლგების მოხსნის მიზეზი იყო, რომ აგრესია არ გავაღვივოთ. აღვადგენთ, არ ვაპირებთ ქოლგები საწყობში დავაწყოთ. როდესაც აგრესია ჩაივლის, ხალხი მიხვდება, რომ ვემიჯნებით პროპაგანდას, გავაგრძელებთ პარკის გადახალისებას.

პირდაპირ ზარი შევიდა გამგეობაში. პარკი არის კერძო საკუთრება, თუმცა ფიქრობენ, რომ არის გლდანის გამგეობის.., გლდანის გამგეობას უკავშირდებოდნენ და გლდანის გამგეობა დაგვიკავშირდა ჩვენ, თუ რას ვაკეთებდით, რა ხდებოდა”, – აცხადებენ ადმინისტრაციაში.

სტამბოლის პრაიდზე პოლიციამ, სულ მცირე, 50 ადამიანი დააკავა

//

თურქეთში, სტამბოლის პრაიდზე პოლიციამ, სულ მცირე, 50 ადამიანი დააკავა.

კვირას, 25 ივნისს პოლიციამ სტამბოლის მთავარ გამზირზე მარშს ხელი შეუშალა და მოქალაქეებს არ მისცა საშუალება, დაგეგმილი მარშრუტი გაევლოთ.

მას შემდეგ, რაც პოლიციამ დაკავებები დაიწყო, ორგანიზატორებმა მოქალაქეებს დაშლისკენ მოუწოდეს. Amnesty International-ის ცნობით, დაკავებისას ერთმა ადამიანმა თავის არეში დაზიანებები მიიღო.

თურქეთში ახლახანს გაიმართა საპრეზიდენტო არჩევნები, რომელშიც რეჯეფ თაიფ ერდოღანმა გაიმარჯვა. მან საარჩევნო კამპანია ჰომოფობიური გამოსვლებით წარმართა. ის დისკრედიტაციის მიზნით ოპონენტებს პროლგბტ-ებს უწოდებდა. ერთ-ერთ გამოსვლაში ერდოღანი ამომრჩეველს დაჰპირდა, რომ გამარჯვების შემთხვევაში ქვიარ ადამიანები თურქეთში ხილვადები აღარ იქნებიან.

გრიგორიადისი ღარიბაშვილსა და კობახიძეს უჩივის 

//

მარტის აქციების მონაწილე ლაზარე გრიგორიადისი ქართული ოცნების თავმჯდომარე ირაკლი კობახიძესა და პრემიერმინისტრ ირაკლი ღარიბაშვილს უჩივის. სამოქალაქო სარჩელი თბილისის საქალაქო სასამართლოში მისი სახელით ორგანიზაცია “ადამიანის უფლებათა ცენტრმა” შეიტანა.

ორგანიზაცია მოითხოვს, კობახიძემ და ღარიბაშვილმა, გრიგორიადისზე საჯაროდ გაკეთებული პატივისა და ღირსების შემლახავი განცხადებების გამო, საჯაროდ მოიხადონ ბოდიში და მათ დაეკისროთ მორალური ზიანის ანაზღაურება, სიმბოლურად 15 ლარის ოდენობით.

ორგანიზაციაში ამბობენ, რომ ამ განცხადებების მიზანი საზოგადოებაში გრიგორიადისზე ნეგატიური განწყობის შექმნა იყო.

გრიგორიადისის დაკავების დღიდან ქართული ოცნება მის დისკრედიტაციას ეწევა. ერთ-ერთი პირველი კობახიძე იყო, რომელმაც მას “ორიენტაციაარეული” უწოდა.

21 წლის ლაზარე გრიგორიადისი 29 მარტს დააკავეს, 31-ში კი აღკვეთი ღონისძიების სახით პატიმრობა შეუფარდეს. მას პოლიციელების მიმართ ძალადობასა და შინაგან საქმეთა სამინისტროს კუთვნილ მანქანაზე ცეცხლის წაკიდებას ედავებიან. მას 7-დან 11 წლამდე ვადით პატიმრობა ემუქრება.

Tbilisi Open Air დასრულდა

რეგიონში ყველაზე მასშტაბური მუსიკალური ფესტივალი Tbilisi Open Air დასრულდა.

ორგანიზატორები დამსწრეებსა და არტისტებს მადლობას უხდიან.

“ტრადიციულად, ყველას დიდ მადლობს გიხდით ასეთი არაჩვეულებრივი ატმოსფეროს შექმნისათვის. ამ სამი დღის განმავლობაში Lisi Wonderland-ში ის საოცარი საფესტივალო განწყობა იგრძნობოდა, რომელიც ყველა ჩვენგანს ასე გვიყვარს და გვაერთიანებს.

თქვენთან ერთად განსაკუთრებული მადლობა ეკუთვნით ჩვენს არტისტებს, რომელთაც არნახულად დადებითი ემოციებით დაგვმუხტეს. ეს დღეები თქვენ გარეშე სრულიად წარმოუდგენელი იქნებოდა.”, – აცხადებენ ისინი.

წლევანდელ ფესტივალზე იყვნენ: TOM ODELL, MODERAT, KALEO, IMANY, BEN KLOCK, REJJIE SNO, LIQUID SOUL და სხვა მრავალი ქართველი და უცხოელი არტისტები.

ფესტივალი შემდეგ წელს დაბრუნდება.

სტერეოტიპების მიღმა: ავთენტური ქვიარ პერსონაჟების აღმასვლა სერიალებში

/

ბოლო წლებში შოუ-ბიზნესის ინდუსტრიაში შესამჩნევი ცვლილებები ხდება: სატელევიზიო შოუებსა და ფილმებში ქვიარ თემებისა და პერსონაჟების ღრმა კვლევა დაიწყო. რეპრეზენტაციის გაზრდა დიდი წინგადადგმული ნაბიჯია ლგბტქი თემის ხილვადობისა და მიმღებლობის საქმეში. მეინსტრიმის გაქვიარებით, ეს პროდუქცია გამოწვევების წინაშე აყენებს სოციალურ ნორმებს და ქმნის პლატფორმას ავთენტური ქვიარ თხრობისთვის.

ამ სტატიაში განვიხილავთ იმ გავლენას, რასაც ქვიარ თემების განხილვა ახდენს სატელევიზიო შოუებში და ხაზს გავუსვამთ რეპრეზენტაციის მნიშვნელობას უფრო ინკლუზიური მედია გარემოს შესაქმნელად.

ლგბტქი პერსონაჟების აღმასვლა:

მეინსტრიმ მედიაში ერთ-ერთი ყველაზე შესამჩნევი ცვლილება იყო ლგბტქი პერსონაჟების ჩართვა წამყვან როლებში. ემის მფლობელ სერიალში “Pose” ქვიარ პერსონაჟები აღარ არიან მხოლოდ მეორეხარისხოვან როლში და აღარ არიან სოციალური ნორმებისა და სტერეოტიპებს მორგებულნი. სერიალში ლგბტქი პერსონაჟები განხილულნი არიან, როგორც სრულად რეალიზებული პიროვნებები, რომელთაც უდიდესი გავლენა აქვთ მაყურებელზე, რაც, საბოლოო ჯამში, ცვლის ჰოლივუდის ძველებურ მიდგომას რეპრეზენტაციისადმი.

სოციალურ საკითხებზე შეჭიდება:

ქვიარ თემატიკის მქონე სატელევიზიო შოუები ხშირად გამოიყენება მნიშვნელოვანი სოციალური საკითხების შესახებ დებატების დაწყებასა და მოგვარებისთვის. ქვიარ სერიალებში წამოჭრილი საკითხები შეიძლება იყოს: ჰომოფობია, ტრანსფობია, რასისა და ქვიარობის კვეთა. ამ სახის პროდაქშენები მძლავრი პლატფორმაა საუბრების წამოწყებისა და ემპათიის გასაღვიძებლად. რაიან მერფის სერიალი „Glee“ უპირისპირდება მნიშვნელოვან თემებს და ხელს უწყობს სოციალურ პროგრესს. სერიალის პოპულარულობა კი იძლევა საშუალებას გვქონდეს საინტერესო და მრავლის მომცემი დიალოგები ამ თემების შესახებ.

ქვიარ ურთიერთობების შესწავლა:

სატელევიზიო შოუებმა ქვიარ ურთიერთობების სიღრმისეული და ნიუანსური შესწავლა დაიწყეს. ისეთი ქვიარ ურთიერთობების დრო, რომლებიც მხოლოდ შოკისმომგვრელი ღირებულებისა და კომიკური სიტუაციის შესქმნელად გამოიყენებოდა, დიდი ხანია გავიდა. 2013 წლის ნეტფლიქსის დრამა „Orange Is the New Black“ ლგბტქი ურთიერთობებს ისეთივე სიღრმისეულად და ავთენტურად ასახავს, როგორც ჰეტეროსექსუალურ ურთიერთობებს. 

სერიალის ერთ-ერთი ყველაზე შთამბეჭდავი მიღწევა იყო ლავერნ კოქსის კარიერის დაწყება სოფია ბურსეტის როლში. 2014 წელს კოქსი გახდა პირველი ღიად ტრანსგენდერი ქალი, რომელმაც მიიღო ნომინაცია სატელევიზიო აკადემიისგან. 2022 წლისთვის მისი კარიერა ცამდე გაიზარდა. ის პირველი ტრანსგენდერი ქალიც გახდა, რომელმაც საკუთარი ბარბის თოჯინა შექმნა.

ქვიარ რეპრეზენტაციის მნიშვნელობა:

ქვიარ თემების რეპრეზენტაციამ მეინსტრიმ სატელევიზიო შოუებში აჩვენა, რომ მას მაყურებელზე დიდი გავლენა აქვს. ქვიარ გამოცდილების ნორმალიზებითა და მრავალფეროვანი ლგბტქი პერსონაჟების წარმოჩენით ეს სერიალები ცვლის საზოგადოების მიერ ქვიარ თემის აღქმასა და ხელს უწყობს სტერეოტიპების დამსხვრევას.

სერიალ „Sex Education“ – ში წარმოდგენილმა პოზიტიურმა რეპრეზენტაციამ ხელი შეუწყო მიმღებლობის გაზრდას ახალგაზრდებში და ქვიარ ახალგაზრდებისთვის მისაბაძი მაგალითების აღმოჩენას.

ეს შოუ სავსეა ტინეიჯერობის ასაკში საკუთარი სექსუალური ორიენტაციის აღმოჩენის გზაზე გამოცდილი დამაბნეველი და გულთბილი მომენტებით და ამასთან, ახერხებს, განიხილოს კომპლექსური საუბრები იმის შესახებ, თუ რას ნიშნავს იყო ახლაგზარდა და შეყვარებული. სერიალში გვხვდება ლგბტქი თემის წარმომადგენელი მრავალი ადამიანი და ქვიარ სთორილაინები, რომლებიც არ არის დაფუძნებული კლიშეებზე.

დასკვნა:

რამდენადაც ქვიარ თემატიკა აგრძელებს პოპულარულ სატელევიზიო შოუებში ადგილის დამკვიდრებას, შოუ-ბიზნესის ინდუსტრია ტრანსფორმაციულ ცვლილებას განიცდის. მეინსტრიმის გაქვიარებით ეს პროდუქცია არღვევს ბარიერებს, კითხვის ნიშნის ქვეშ აყენებს სოციალურ ნორმებსა და  სტერეოტიპებს და ზრდის მიმღებლობას. ავთენტური ქვიარ თხრობისა და რეპრეზენტაციის ჩართვა გრძელვადიან გავლენას ახდენს აუდიტორიაზე, ქმნის უფრო ინკლუზიურ და მიმღებ საზოგადოებას. მნიშვნელოვანია, რომ ეს იმპულსი გაგრძელდეს, რაც მომავალში კიდევ უფრო დიდი მრავალფეროვნებისა და რეპრეზენტაციის საშუალებას იძლევა.

ქვიარ რეპრეზენტაცია ანიმაციურ სერიალებში: სტერეოტიპების მსხვრევა და ინკლუზიურობის წახალისება

/

ანიმაციურ სერიალებს აქვთ უნიკალური უნარი გაარღვიონ საზღვრები და დაიპყრონ აუდიტორია. ბოლო წლების განმავლობაში, ქვიარ საზოგადოებამ ანიმაციაში აღიარება მოიპოვა. ახალ ანიმაციებში არა მარტო სტერეოტიპებს ამსხვრევენ, არამედ ხელს უწყობენ ინკლუზიურობას და ხილვადობას. სტატიაში მოგიყვებით ქვიარ თემის წარმოჩენის მნიშვნელობაზე ანიმაციურ სერიალებში, მის პოზიტიურ გავლენაზე მაყურებლისთვის და ინკლუზიური თხრობის შესანიშნავ მაგალითებზე.

გამომწვევი სტერეოტიპები

ტრადიციულად, ანიმაციური სერიალები მიჰყვებოდა სტერეოტიპებს, გენდერსა და სექსუალობას შეზღუდულად ასახავდა. თუმცა, რამდენიმე ინოვაციურმა შოუმ დაარღვია ეს ყველაფერი. “სტივენ სამყაროში” მრავალფეროვანი ქვიარ პერსონაჟები გვხვდებიან, როგორებიცაა რუბი და საფირი, ქვიარ წყვილი. გარდა ამისა, გვხვდება არაბინალური პერსონაჟი სტივონი. ეს ანიმაციური სერიალი ანგრევს ორობითი გენდერული როლების ცნებას და ხაზს უსვამს მრავალფეროვანი იდენტობის სილამაზეს.

ხილვადობა და გაძლიერება: საკუთარი თავის ეკრანზე დანახვის გავლენა

ქვიარ თემის წარმოჩენას ანიმაციებში განსაკუთრებით დიდი მნიშვნელობა აქვს ახალგაზრდა მაყურებლისთვის, რომლებიც ეჭვქვეშ აყენებენ მათ ვინაობას. “შე-რა და ძალაუფლების პრინცესები” გვთავაზობს მრავალფეროვან პერსონაჟებს, მათ შორის ადირასა და კატრას, რომლებსაც სერიალის განმავლობაში ღრმა და რთული ურთიერთობა უყალიბდებათ. მათი ისტორიის ნახვით, ახალგაზრდა მაყურებლებს შეუძლიათ იგრძნონ მხარდაჭერა და დაინახონ, რომ ისინი მიღებულნი არიან.

მრავალფეროვანი თხრობის სტილი: ინტერსექციურობისა და ავთენტური ნარატივების მიღება

ანიმაციებს აქვთ პოტენციალი, გამოიკვლიონ ქვიარ გამოცდილების ინტერსექციურობა. „კორას ლეგენდა“, „ავატარი: უკანასკნელი მფრინავის“ გაგრძელებაა, რომელშიც გვხვდება ბისექსუალი პერსონაჟი კორა. სერიალი გვთავაზობს კორას ავატარად მოგზაურობას და მის რომანტიკულ ურთიერთობებს. ინტერსექციურობის გათვალისწინებით, ეს შოუები აღნიშნავენ მრავალფეროვან კულტურას, წარმომავლობასა და ცოცხალ გამოცდილებას ლგბტქი საზოგადოებაში.

დადებითი გავლენა: შთამაგონებელი ცვლილება და სოციალური პროგრესი

ანიმაციურ შოუებსა და ფილმებს აქვთ საზოგადოებრივი აზრის ჩამოყალიბებისა და პოზიტიური ცვლილებების ძალა. „თავგადასავლების დრომ“ მაყურებელს გააცნო პრინცესა ბაბლგამის პერსონაჟი, რომელიც ღიად ქვიარია, რაც ანგრევს სტერეოტიპს, რომ ქვიარად ყოფნა ტაბუდადებული თემაა. ქვიარ წარმომადგენლობის ჩართვისა და მიმღებლობის ხელშეწყობით, ანიმაციები გზას უხსნის საუბრებს განათლებისკენ და მავნე სტერეოტიპების განადგურებისკენ.

წინსვლა: ქვიარ თემის წარმოჩენის მომავალი ანიმაციაში

მიუხედავად იმისა, რომ მნიშვნელოვანი ნაბიჯები უკვე გადადგმულია ანიმაციურ სერიალებში ქვიარ თემის წარმოსაჩენად, ეს ჯერ კიდევ დასაწყისია. უფრო და უფრო დიდ წინსვლას ვხედავთ. „ბუების სახლი“ გამოირჩევა მრავალფეროვანი შემადგენლობით, მათ შორის მთავარი გმირია ბისექსუალი ლათინო, სახელად ლუზი. ავთენტური ისტორიების შექმნით და ლგბტქი შემქმნელებთან თანამშრომლობით, ანიმაციის ინდუსტრიას შეუძლია გააგრძელოს ინკლუზიური ნარატივების შექმნა, რომელიც რეზონანსდება ქვიარ აუდიტორიასთან და ხელს უწყობს უფრო მიმღებ საზოგადოებას.

დასკვნა

ქვიარ თემის წარმოჩენა ანიმაციურ სერიალებში არის ძლიერი ინსტრუმენტი სტერეოტიპების დასანგრევად, ინკლუზიურობის გასაძლიერებლად და გაგების ხელშესაწყობად. მრავალფეროვანი და ავთენტური სიუჟეტის საშუალებით, ზემოთ ნახსენებმა შოუებმა, შეძლეს და დაუპირისპირდნენ სტატუს კვოს. ანიმაციის ინდუსტრიას შეუძლია გააგრძელოს მომავალი თაობებისთვის უფრო ინკლუზიური და გამდიდრებული ანიმაციების შექმნა.