ანიტა ბრაიანტი მთელი ცხოვრება ლგბტქ+ ადამიანების წინააღმდეგ იბრძოდა, ახლა კი ბისექსუალი შვილიშვილი ჰყავს

ანიტა ბრაიანტის სახელი ჰომოფობიასთან ასოცირდება. 1970-იან წლებში, როგორც სამარცხვინო ანტი ლგბტქ+ ჯვაროსანმა, სასტიკი ომი აწარმოა ლგბტქ+ ადამინების უფლებების წინააღმდეგ, მისი კამპანიის სახელი იყო ‘’გადავარჩინოთ ჩვენი შვილები.’’ახლა კი, მისი გოგო შვილიშვილი ცოლად ქალს მიჰყვება.

სარა გრინი 21 წლის ასაკში დაქამინგაუთდა ბებიასთან. სატელეფონო საუბრისას, ბებია შვილიშვლის დაბადების დღეს ულოცავდა და უსურვებდა, რომ შესაფერისი ქმარი ეპოვა, რა დროსაც, სარამ ბებიას საიდუმლო გაუმხილა. ‘’ის არ წყვეტდა საუბარს შესაფერისი მამაკაცის შესახებ და მე უბრალოდ ავფეთქდი’’, – იხსენებს გრინი.

შვილიშვილის აღიარებამ ბრაიანტის დამოკიდებულებები ვერ შეარბილა. ‘’იმის ნაცვლად, რომ სარა მიეღო ისეთი, როგორიც არის, დედაჩემმა აირჩია ლოცვა’’, – დაამატა სარას მამამ. სარა მას შემდეგ ბებიასთან ურთიერთობას გაურბის – ‘’ძალიან ძნელია კამათი ვინმესთან, ვინც თვლის, რომ შენი იდენტობის განუყოფელი ნაწილი მხოლოდ ბოროტი ბოდვაა,’’ – თქვა გრინმა.

 

სანამ  ბრაიანტი თავის ცნობილ კამპანიას წამოიწყებდა, პოპ მომღერალი იყო. მისმა კამპანიამ დიდი ზიანი მიაყენა სხვადასხვა შტატში ლგბტქ+ ადამიანების უფლებებს. მომღერალმა კამპანია ფლორიდაში წამოიწყო, რათა ის კანონები გაეუქმებინათ, რომელიც ჰომოსექსუალთა უფლებებს იცავდა. ფლორიდა ერთ-ერთი პირველი შტატი იყო, სადაც აიკრძალა დასაქმებისა და ბინადრობის უფლების დისკრიმინაცია სექსუალური ორიენტაციის ნიშნით.

ბრაიანტის კამპანიის მთავარი დევიზი იყო, რომ ‘’ჰომოსექსუალებს არ შეუძლიათ გამრავლება, ამიტომ ისინი უნდა შევცვალოთ’’. კამპანია ქადაგებდა რელიგიურ სიწმინდეს და მიზნად ისახავდა ბავშვების დაცვას ანტიქრისტიანული ღირებულებებისგან. ბრაიანტის მძვინვარე რიტორიკამ, მათ შორის, პრესკონფერენციებსა და რეკლამებში, სწრაფად მოიპოვა მიმდევრები.

ბრაიანტის ანტი-ლგბტქ+ კამპანიამ განაპირობა მაიამიში, დეიდის ოლქში, ანტიდისკრიმინაციული კანონის კენჭისყრაზე გაეტანა. მოსახლეობის  70% – მა მხარი დაუჭირა კანონის გაუქმებას, რის გამოც ლგბტქ+ ადამიანების დისკრიმინაცია კვლავ კანონიერი გახდა ამ მხარეში. ოლქმა ანტიდისკრიმაციული კანონის აღადგენა 21 წლის შემდეგ, 1998 წელს შეძლო.

მთელი რიგი ნეგატიური მოვლენების მიუხედავად, მისმა კამპანიამ დიდი როლი ითამაშა ქვიარ მოძრაობის გააქტიურებაში. 1977 წელს მოხდა ცნობილი შემთხვევა, როცა ანიტა ბრაიანტს ერთ-ერთ პრესკონფერენციაზე ქვიარ აქტივისტმა, ტომ ჰიგინსმა, სახეში ტორტი ესროლა.

ათწლეულების შემდეგ, ბრაიანტის შვილიშვილი ცდილობს გადაწყვიტოს, მიიწვიოს თუ არა ჰომოფობი ბებია თავის გეი ქორწილში.

წყარო: them.us

წინა

5-6 ივლისის მოვლენებთან დაკავშირებით საგამოძიებო კომისიის შექმნის შესახებ განხილვა სექტემბრისთვის გადაიდო

შემდეგი

”დედა, მე გეი ვარ” – სუზან კოტრელის ბრძოლა შვილისთვის

ბოლო სიახლეები

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი

დააკავეს კაცი, რომელმაც 200-მდე ქალს 5000-მდე ფოტო და ვიდეო მოტყუებით და ფარულად გადაუღო

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43

ამარი – ტრანსგენდერი მომღერალი ძლიერი ხმით და საინტერესო ისტორიით

FacebookTweetLinkedInEmail ამარი American Idol-ის მონაწილეა, რომელმაც უამრავი მსმენელი მოხიბლა მსოფლიოს მასშტაბით. 28 წლის მომღერალი წარმოშობით ამერიკელია,

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

FacebookTweetLinkedInEmail 6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში”  ჩაიშალა. კრებული ქართველი მხატვრების