‘ბატონო კახი, მოგესალმები…
მოგესალმები და მოგმართავ, როგორც საქართველოს რიგითი მოქალაქე, კანონმორჩილი მოქალაქე, ქვეყნის პატრიოტი, პატიოსანი ადამიანი, მშრომელი, ფრიადოსანი, სტიპენდიანტი.
მე ვარ ძმა, შვილი და შვილიშვილი, მე ვარ საუკეთესო მეგობარი!
მე ვარ დედაჩემის მზე და ის ჩემი მთვარეა!
მე ვარ შეყვარებული ყველა ადამიანზე, მე მწამს ღმერთის და ყოველთვის ვილაშქრებ უსამართლობაზე! მე დღეს ბრაზი მახრჩობს, ვერაფერი მამშვიდებს!
კინაღამ მეგობრები მომიკლეს! მოგვიკლეს ლექსო! თქვენი თანამოქალაქე!
ჩვენი გულები გადახლეჩილია!
დავიჯერო, ვერ გრძნობთ? მართლა ვერ იგებთ?
თქვენმა პრემიერმა წაახალისა ძალადობა და ქალაქში, ქვეყანაში არის “ბრესპიდელი.” თქვენმა პრემიერმა 90-იანები დააბრუნა, უბრალოდ, მიშას მოტანილი შუქით და არა შევარდნაძის სანთლით.
ქალაქში კოლაფსია, ყველაფერი ჩამოშლილია, ჩემი მეგობრები გარეთ ვერ დადიან! ვერ დადიან! ვერ ხედავთ, თუ რა მოუტანეთ თბილისს? ნუთუ ვერ გრძნობთ?
მე ვარ შენი მეუღლის კოლეგა, ჩვენი თანამოქალაქე LGBTQ თემის წარმომადგენლები მის ბრენდს სხვადასხვა სერვირებას უწევდნენ. ეს არავისთვის სიახლე არაა.
მას ჰომოსექსუალები უღებდნენ სარეკლამო კამპანიებს, მის ჩვენებებზე ლესბოსელები მონაწილეობდნენ, მას ჰყავს გეი შემსყიდველები, მას იცნობს უამრავი უმცირესობის წევრი, ის მოსწონთ, პატივს სცემენ! მას თავისი ადგილი აქვს ჩვენს სფეროში, ამაში მას LGBTQ თანამშრომლები, წევრები დაეხმარნენ!
არ დაგავიწყდეთ, რა მოუვიდა მირასლავა დუმას!
თქვენ ალბათ არ იცით, მაგრამ რომ არა LGBTQ ადამიანები, დღეს უამრავი სფერო იქნებოდა წარუმატებელი, ამ თემის უდიდესი წილია ქართული სახლების პოპულარიზაციაში, ეკონომიკასა და ტურიზმში!
“სიყვარულით სავსე ქალაქი”, “სოლიდარობით სავსე ქალაქი” – ეს ჩვენი ქალაქის თქვენი მოფიქრებული სლოგანებია, ესეც არ დაგავიწყდეთ. არ დაგავიწყდეთ, 2015 წელს ლუქსემბურგში გეი პრემიერი დაქორწინდა. არ დაგავიწყდეთ, ჰომოფობია ძალიან ცუდია და გაუნათლებლობის შედეგია!
5-6 ივლისის შემდეგ დედაქალაქში ცხოვრება LGBTQ+ ადამიანებისთვის ძალიან სახიფათო გახდა: მათ აგინებენ, აფურთხებენ, სცემენ, ეზოებიდან აგდებენ, ლანძღავენ, ემუქრებიან სიცოცხლის მოსპობით…
მეშინია კიდევ რაიმე საშინელება არ დატრიალდეს! მეშინია რომელიმე მეგობრის დაკარგვის! რა დავაშავეთ? რატომ? რატომ უკლავენ დედებს შვილებს?
მოგიწოდებთ,
1. აღიარეთ შეცდომები!
2. მოიხადეთ ბოდიში!
3. დაიცავით ჩვენი მეგობარი LGBTQ თემის წევრები!
4. სასწრაფოდ გამოყავით ბიუჯეტი(თუნდაც საკუთარიდან) და გახსენით LGBTQ თავშესაფარი! ჩვენ ის ქვეყანაში არ გვაქვს, თბილისში არ გვაქვს gay shelter! თქვენი მთავრობის ხელში მისი არსებობა უაღრესად საჭირო გახდა! გახსენით თავშესაფარი! დღეს უკვე ყველაზე მოწყვლად ჯგუფს ქვეყანაში, ემუქრება საფრთხე! ხალხს კლავენ ქუჩებში, ძალადობამ ძალიან იმატა!
5. გეყოს ყველაფერი, კმარა! უმჯობესია, რომ ახლა გადადგე!
კიდევ ბევრია მოსაყოლი.. თავი მისკდება, დავიღალე!
გადადექი! გაემიჯნე! დაიცავი ხალხი!”
