აღმოსავლეთ აფრიკაში პირველი პრაიდი ჩატარდა

მალავიში ანტი-გეი კანონების წინააღმდეგ პირველი ლგბტქ+ მარში ჩატარდა. ქუჩაში დაახლოებით 50-მდე ადამიანი გამოვიდა და მთავრობას ლგბტქ+ ადამიანების დევნის შეწყვეტისაკენ მოუწოდა.

შაბათს, დედაქალაქ ლილნოგვეში აქტივისტები ქუჩაში გამოვიდნენ. მათ ხელში ინგლისურ და ჩიჩევას ენაზე (ადგილობრივი ენა) დაწერილი პოსტერები ეჭირათ შემდეგი ფრაზებით: ”პრაიდი სამყაროს აერთიანებს”, ”მალავი ყველას ეკუთვნის”.

ანრეა, 29 წლის ბიჭი, რომელიც პრაიდს დაესწრო, ამბობს, რომ უბედნიერესი იყო, რადგან თავისი ქვეყნის გარდამტეხი ეტაპის ნაწილად იგრძნო თავი. ”რთულია, იყო გეი მალავიში. ძალიან მამაცი უნდა იყო იმისთვის, რომ ჩემსავით ღია იყო.” – თქვა მან The Guardian-თან ინტერვიუს დროს – ”მე ბევრი რამ გამოვიარე, მათ შორის, შეურაცხყოფა და დისკრიმინაცია. გამიმართლა, რომ მოსიყვარულე ოჯახი მყავს, რომელიც ისეთს მიღებს, როგორიც ვარ.”

დღესდღეობით, ჰომოსექსუალური აქტივობები მალავიში 8-14 წლამდე პატიმრობით ისჯება. ეს კანონი მე-19 საუკუნეში, ბრიტანეთის კოლონიზაციის დროს მიიღეს. ადვოკატთა საერთაშორისო ჯგუფმა – ”ადამიანის უფლებათა მეთვალყურეები” (HRW), ჩატარებული კვლევის შემდეგ განაცხადა, რომ მალაველი ლგბტქ+ თემის წევრები ყოველდღიური ცხოვრების თითქმის ყველა ასპექტში განიცდიან ძალადობასა და დისკრიმინაციას. ”ხშირად, პოლიცია ფიზიკურ შეურაცხყოფას აყენებს, თვითნებურად აკავებს და აპატიმრებს მათ სათანადო პროცედურისა და იურიდიული საფუძვლის გარეშე. ხანდახან ეს მაშინ ხდება, როცა ეს ადამიანები საბაზისო უფლებებით სარგებლობენ, მაგალითად, სამედიცინო დაწესებულებაში სამკურნალოდ მისვლისას.” – წერს HRW.

მალავი ყოფილი კოლონიზებული აფრიკის პირველი ქვეყანაა აღმოჩნდა, რომელიც ჰომოსექსუალიზმის დეკრიმინალიზაციისაკენ დგამდა ნაბიჯებს 2012 წელს, როდესაც მთავრობამ მორატორიუმი დააწესა ე.წ. ”სოდომის მსჯავრდებულებზე.” ადამიანის უფლებათა ორგანიზაცია Amnesty International-მა ეს ქმედება ისტორიულად შეაფასა. მაგრამ, 2016 წელს ეს იმედები გაქარწყლდა, როდესაც მალავის უმაღლესმა სასამართლომ გამოიტანა განჩინება ჰომოსექსუალობისთვის ჯარიმების აღდგენის შესახებ.

იურიდიული კონტექსტის გათვალისწინებით, მალავის პრაიდის ღონისძიების მონაწილეები ამბობენ, რომ ისინი დიდ რისკზე წავიდნენ საზოგადოების წინაშე თავიანთი სახეების გამოჩენით, მიუხედავად იმისა, რომ პანდემიის გამო, სახე ნაწილობრივ პირბადით ჰქონდათ დაფარული. 30 წლის კრისპინი ამბობს, რომ ის 18 წლის ასაკში სახლიდან გამოაგდეს, როდესაც ოჯახმა მისი ორიენტაციის შესახებ შეიტყო: ”გამიჭირდა, რადგან არავის უნდოდა ჩემთან ურთიერთობა. დეპრესიაში ჩავვარდი. პოლიტიკურ სივრცეშიც კი არ ვარ წარმოდგენილი და არ მაქვს უფლება, ჩემი აზრი გამოვხატო.” თუმცა კრისპინი იმედს ინარჩუნებს, რომ ცვლილებები ჰორიზონტზე გამოჩნდა – ”მე ვიცი, რომ ადრე ამას ვერ შევძლებდით.” – ამბობს ის.

პროგრესის მიღწევის მიზნით, აქტივისტებმა პრაიდის ღონისძიება გამოიყენეს და მალავის პრეზიდენტს, ლაზარუს ჩაკვერას მოუწოდეს, შეეწყვიტა ლგბტქ+ პირების დევნა. თავდაპირველად, მთავრობას პეტიციით მიმართეს, მომხდარიყო ერთნაირსქესიანთა კავშირის დეკრიმინალიზაცია. თუმცა, ორგანიზატორები ამჟამად ქორწინების ლეგალიზაციის მოთხოვნით გამოდიან, რაც აფრიკის კონტინენტის უმეტეს ნაწილში აკრძალულია.

”საზოგადოება მზად არის, გამართოს დიალოგი მთავრობასთან და განიხილოს ამასთან დაკავშირებული საკითხები. მთავრობა ამბობს, რომ ის ისეთ პოლიტიკას ატარებს, რომელიც ადამიანების სურვილებს ასახავს, ჩვენ რატომ უნდა დაგვაიგნორონ?” – ამბობს ერიკ სამბისა, ადვოკატირების ადგილობრივი ჯგუფის, ”ნიასას ცისარტყელის ალიანსის” დირექტორი.

მალავიში ლგბტქ+ აქტივისტები ისტორიაში შევიდნენ, აღმოსავლეთ აფრიკაში პირველი პრაიდის ჩატარებით.

წყარო: them.us

წინა

გული მტკივა, რომ თქვენი არასწორი განცხადების გამო, მე და ჩემს მეგობრებს უფრო გაგვიმეტებენ – ქვიარ აქტივისტების გამოხმაურება

შემდეგი

ქრისტინე ერგემლიძის ღია წერილი პატრიარქს

ბოლო სიახლეები

სახალხო დამცველმა ლგბტქი თემის მხარდამჭერი განცხადება გამოაქვეყნა და ხელისუფლებას სათანადო რეაგირებისკენ მოუწოდა

Facebook5Tweet0Shares5 საქართველოს სახალხო დამცველმა ჰომოფობიასთან, ბიფობიასთან და ტრანსფობიასთან ბრძოლის დღესთან დაკავშირებით განცხადება გამოაქვეყნა, რომელშიც აღნიშნულია, რომ

გაეროსა და ევროკავშირის წარმომადგენლობამ, ევროკავშირის სადამკვირვებლო მისიამ და ქვეყანაში მოქმედმა საელჩოებმა ლგბტქი თემის მხარდამჭერი განცხადება გამოაქვეყნეს

Facebook16Tweet0Shares16 საქართველოში გაეროსა და ევროკავშირის წარმომადგენლობამ, ევროკავშირის სადამკვირვებლო მისიამ და ქვეყანაში მოქმედმა საელჩოებმა ჰომოფობიასთან, ბიფობიასთან და

ჩვენი სხეული, ჩვენი სიცოცხლე, ჩვენი უფლებები – 2022 წლის 17 მაისის მთავარი თემა

Facebook29Tweet0Shares29 17 მაისი ჰომოფობიის, ბიფობიისა და ტრანსფობიის წინააღმდეგ ბრძოლის საერთაშორისო დღეა, რომელიც ოფიციალურად ევროპის პარლამენტისა და

17 მაისი: მეხსიერება და პერსპექტივები — პანელური დისკუსია წარსულის გამოცდილების გადაფასებისა და სამომავლო პერსპექტივების დასახვის მიზნით

Facebook14Tweet0Shares14 ჰომოფობიასთან, ტრანსფობიასთან და ბიფობიასთან ბრძოლის საერთაშორისო დღესთან დაკავშირებით, Tbilisi Pride-მა ეროვნული დემოკრატიული ინსტიტუტის (NDI) მხარდაჭერით,

აივისა და ჰეპატიტების ტესტირების კვირეულისას, საქართველოს ქალაქებში ტესტის გაკეთება უფასო იქნება

Facebook13Tweet0Shares13 დღეს ევროპაში აივ-ინფექციისა და ჰეპატიტების ტესტირების კვირეული დაიწყო, რომელიც 2013 წლიდან მიმდინარეობს და სამოქალაქო საზოგადოებას,