10 საბავშვო ანიმაციური სერიალი, რომლებშიც ქვიარ პერსონაჟებს შეხვდებით

2010 წლამდე ქვიარ რეპრეზენტაცია სატელევიზიო სერიალებში ძალიან სუსტი იყო, ლბგტქი ადამიანები ხშირად არასწორად ან სწორხაზოვნად იყვნენ წარმოჩენილები. საბედნიეროდ, დღეს ეს ყველაფერი იცვლება, ქვიარ პერსონაჟები საბავშვო ანიმაციურ სერიალებში გამოჩნდნენ და არაერთ დაუვიწყარ ისტორიას სთავაზობენ პატარა მაყურებლებს.

გთავაზობთ ათ საბავშვო ანიმაციურ სერიალს, რომელშიც  ქვიარ პერსონაჟებს შეხვდებით:

Sailor Moon

შეუძლებელია, ქვიარ ანიმაციები ვახსენოთ და არ გაგვახსენდეს 90-იანი წლების პოპულარული იაპონური ანიმე, რომელიც ნაოგო ტაკეუჩის მანგას ეფუძნება. ანიმე სკოლის მოსწავლე უსაგი ტსუკინოს, იგივე Sailor Moon-ის ისტორიას გვიყვება, რომელიც თავის მეგობრებთან ერთად პლანეტა დედამიწის დასაცავად ბოროტებას ებრძვის.

ჟანრის კლასიკად მიჩნეულ ანიმეში ქვიარ პერსონაჟები ჯერ კიდევ იმ დროიდან გვხვდება, როცა სხვა საბავშვო სერიალებში ერიდებოდნენ ამ თემების წინ წამოწევას. სერიალში ბაჩი და ფემინური ლესბოსელების წყვილს, Sailor Uranus-ს და Sailor Neptune-ს ვხვდებით, რომლებიც ინგლისურენოვან დუბლირებაში ბიძაშვილებად არიან ნათარგმნი.

 

თავგადასავლების დრო 

,,თავგადასავლების დრო” 2010-2018 წლის ანიმაციური სერიალია, რომლის 9 სეზონიც იხილა მაყურებელმა. სერიალში მოქმედება პოსტ-აპოკალიპტურ, გამოგონილ სამყარო Ooo-ში ვითარდება, სადაც ფინი და წელვადი ძაღლი ჯონი მუდმივად დაუვიწყარ თავგადასავლებში ეხვევიან.

Cartoon Network-ის ერთ-ერთ ყველაზე წარმატებულ პროექტში ბაბლგამ პრინცესის და მარსელინის, ვამპირების დედოფლის სიყვარულის ისტორია მრავალი სეზონის განმავლობაში ვითარდებოდა და საბოლოოდ, სერიალის ფინალში გოგონების წყვილმა ერთმანეთს აკოცა კიდეც.

 

ავატარი: ლეგენდა კორაზე

2000-იან წლებში ავატარის ლეგენდამ აანგზე უამრავი ბავშვის გული მოიგო. სერიალის სამი სეზონი იხილა მაყურებელმა და მას შემდეგ დიდი მოლოდინი გაჩნდა, თუ როგორ შეიძლებოდა გაგრძლებულიყო ცეცხლის, ჰაერის, მიწისა და წყლის სამყაროში შემდეგი ავატარის ისტორია.

ავატარის გაგრძელება Nickelodeon-ზე 2012 წელს გამოვიდა და მიუხედავად იმისა, რომ სერიალი თვისობრივად განსხვავდება წინამორბედისგან, მასში უფრო მეტი დრო დაეთმო ქვიარ რეპრეზენტაციას, ახალი ავატარი კორა ანიმაციურ სერიალში ბისექსუალია და სერიალის მსვლელობისას რომანტიკული გრძნობები უჩნდება ასამი სატოს მიმართ.

 

სტივენ იუნივერსი

„სტივენ იუნივერსი“ Cartoon Network-ის კიდევ ერთი ანიმაციური სერიალია, რომლის შემქმნელიც არაბინარული იდენტობის რებეკა შუგარია. სერიალში მოქმედება გამოგონილ ქალაქ Beach City-ში ვითარდება და გვიამბობს პატარა ბიჭუნას, სტივენ იუნივერსის ისტორიას, რომელზე მზრუნველობაც უცხლოპლანეტელთა ტრიოს აქვს აღებული.

მთავარი პერსონაჟი თავისი ქმედებებით ბავშვებს ასწავლის, როგორ შეიძლება დავძლიოთ ტოქსიკური მასკულინობა, ამასთან ერთად, სერიალში ძალიან დიდი დრო ეთმობა ქვიარ პერსონაჟების რეპრეზენტაციას, მათ შორის, საფირის და რუბის ურთიერთობას.

 

OK K.O! მოდი ვიყოთ გმირები

„OK K.O! მოდი, ვიყოთ გმირებში“ მოქმედება შორეულ 201X წელში ვითარდება და გვიამბობს K.O.-ს ისტორიას, რომელსაც სურს, იყოს გმირი ვიდეოთამაშის მსგავს სამყაროში და მუშაობას იწყებს Car’s Bodega-ში, სადაც თავის საუკეთესო მეგობრებთან, რადთან და ენიდთან ერთად, ბოროტმოქმედებს ებრძვის.

სერიალში მნიშვნელოვანი როლი ეთმობა ქვიარ თემატიკის წინ წამოწევას, ანიმაციის ბოლო სეზონში არაერთი ქვიარ პერსონაჟი იხილა პატარა მაყურებელმა, როგორც გმირების მხარეს, ასევე ბოროტმოქმედების მხარეს, თუმცა სერიალი სამი სეზონის შემდეგ გაუქმდა.

 

ხმაურიანი სახლი

„ხმაურიანი სახლი“ Nickelodeon-ის კიდევ ერთი სერიალია, სადაც მოქმედება თერთმეტი წლის ლინკოლნ ლაუდის გარშემო ვითარდება, ბიჭუნა დიდ სახლში მშობლებთან და  10 დასთან ერთად ცხოვრობს. სერიალი დიდი და ხმაურიანი ოჯახის სახალისო და ფათერაკებით სავსე ისტორიას გვიამბობს. სერიალში ერთ-ერთ მთავარ გმირად ლინკოლნის საუკეთესო მეგობარი, კლაიდიც გვევლინება.

სერიალი არხის ისტორიაში პირველია, სადაც დაქორწინებული გეი წყვილია ნაჩვენები, რომელთა შვილთანაც ხმაურიანი სახლის ბინადარი, ლინკოლნი მეგობრობს. სერიალში ლინკონლის ერთ-ერთ დას, ლუნას, რომანტიკული გრძნობები უჩნდება თავისი თანატოლი გოგონას, სემის მიმართ.

 

დენჯერი და ეგგსი  

„დენჯერი და ეგგსი“ ამაზონის 2017 წლის საბავშვო სერიალია, რომელიც ორი მეგობრის, დ.დ. დენჯერის და გიგანტური კვერცხის, ფილიპის ისტორიას გვიამბობს. მეგობრები მუდმივად ეძებენ დაუვიწყარ თავგადასავლებს და ათასგვარ ხათაბალაში ეხვევიან.

როგორც მისი შემქმნელი, აიდი პეტოსკი აღწერს, სერიალი არის გენდერისგან თავისუფალი მდედრობითი სქესის ლესბოსელი ბავშვის და მისი გიგანტური კვერცხი მეგობრის ისტორია. ამასთან ერთად, ის ამბობს, რომ სერიალის მიზანია, ესაუბროს ბავშვებს ლგბტქი თემებზე ქარაგმების, მეტაფორების და სიმბოლიკების გარეშე.

 

She-Ra: ძალაუფლების პრინცესა

„She-Rა და ძალაუფლების პრინცესა“ 80-იანი წლების კლასიკური ანიმაციური ფილმის რებუტია, სადაც მოთხრობილია ობოლი გოგონას ისტორია, რომელსაც ჯადოსნური ხმალი უძლეველ გმირად, ში-რად გადააქცევს. გოგონა ჯადოსნური ძალების მიღების შემდეგ აჯანყებას იწყებს ბოროტების დასამარცხებლად.

გარდა იმისა, რომ სერიალი ფემინისტურ მესიჯებს ატარებს და პატარა გოგოებს აჩვენებს ისეთ ქალ პერსონაჟს, რომელიც არ არის მოლოდინის რეჟიმში, როდის გამოჩნდება პრინცი მის ცხოვრებაში, ამასთან ერთად, სერიალში მნიშვნელოვანი ადგილი ეთმობა ქვიარ რეპრეზენტაციას და მრავალი სეზონის განმავლობაში თვალს ვადევნებთ კატრასა და ადორას სიყვარულის ისტორიას.

 

კიპო და საოცარი მონსტრების ეპოქა

„კიპო და საოცარი მონსტრების ეპოქა“ 2015 წლის ვებკომიქსების სერიას ეფუძნება და გვიამბობს მომავლის სამყაროზე, შორეულ 23-ე საუკუნეზე, სადაც ადამიანები მიწისქვეშეთში ცხოვრობენ. მთავარი პერსონაჟი კიპო კი ერთ დღესაც გადაწყვეტს, მიწისქვეშეთიდან ხმელეთზე ამოვიდეს და მოძებნოს თავისი დაკარგული ოჯახი მაშინ, როცა სამყარო სავსეა მოლაპარაკე, ანთროპომორული ცხოველებით.

გარდა იმისა, რომ სერიალმა უამრავი ჯილდო და აღიარება მოიპოვა თვალისმომჭრელი დიზაინისა და სიუჟეტური ხაზის გამო, სერიალში დიდი ადგილი ეთმობა სხვადასხვა კანის ფერის ადამიანის და სექსუალური იდენტობების რეპრეზენტირებას. „კიპო“ პირველი სერიალია, სადაც ერთ-ერთი პერსონაჟი, ბენსონი ამბობს, რომ გეია და უყვარს მეორე პერსონაჟი ტროი.

 

ბუს სახლი

„ბუს სახლი“ დისნეის 2020 წლის ანიმაციური სერიალია, რომელიც გვიამბობს დომინიკელი-ამერიკელის, ლუზ ნოკედას ისტორიას. ფენტეზიზე შეყვარებული გოგონა ერთ დღესაც მოულოდნელად ჯადოსნური პორტალის საშუალებით აღმოჩნდება „მდუღარე კუნძულების“ სამყაროში, სადაც უამრავი საინტერესო თავგადასავალი გადახდება.

„ბუს სახლი“, გარდა იმისა რომ ჯადოსნურ მოგზაურობას სთავაზობს პატარა მაყურებლებს დაუვიწყარ კუნძულებზე, ამასთან ერთად, მნიშვნელოვან თემებზეც ბავშური ენით ესაუბრება, მთავარ პერსონაჟ გოგონას, ლუზს, სერიალის მსვლელობისას ემოციური გრძნობები უჩნდება ემიტის მიმართ.

 

 

წინა

სოლიდარობა სოციალურ მოძრაობებს შორის: რა გვასწავლა რიონის მცველების მაგალითმა

შემდეგი

ნორვეგიამ გეი მოქალაქეებს წარსულის შეცდომებისთვის ბოდიში მოუხადა

ბოლო სიახლეები

ოლიმპიური ჩემპიონი ელია გრინი ტრანსგენდერ კაცად დაქამინგაუთდა

Facebook0Tweet0Shares0 ავსტრალიელმა მორაგბემ, ელია გრინმა ოლიმპიური ჩემპიონობიდან დიდი ხნით ადრე, ბავშვობაში გააცნობიერა, რომ ადამიანის იდენტობა და

მთავარის ჟურნალისტი გაუპატიურების მცდელობისა და ძალადობის ბრალდებით დააკავეს

Facebook0Tweet0Shares0 მთავარი არხის ჟურნალისტი, ლაშა ნაკაიძე გაუპატიურების მცდელობისა და ოჯახში ძალადობის ბრალდებით დააკავეს. შინაგან საქმეთა სამინისტროს

უკრაინელი გეი ჯარისკაცი ომის დღეებში ნაპოვნი სიყვარულისა და სამშობლოსთვის გაღებული მსხვერპლის შესახებ ჰყვება

Facebook0Tweet0Shares0 უკრაინელმა გეი ჯარისკაცმა პოსტი გამოაქვეყნა, რომელშიც რუსეთთან ომის დღეებზე, ყოველდღიურ გამოწვევებზე, შიშებზე დაწერა და ხალხს

EuroPride 2022 სერბეთში ჩატარდება — გადაწყვეტილებას ანტი-LGBTQI აქცია მოჰყვა

Facebook4Tweet0Shares4 12-დან 18 სექტემბრამდე სერბეთის დედაქალაქი ბელგრადი EuroPride-ს, ყოველწლიურ მარშს უმასპინძლებს, რომელიც ევროპის სხვადასხვა ქალაქში იმართება.