ქალთა ფონდი საქართველოში 2005 წლიდან არსებობს და მისი მისიაა ქალთა ორგანიზაციებისა და ჯგუფების გაძლიერება ცენტრსა და რეგიონებში ქალთა უფლებების განხორციელების, საზოგადოებრივ ცხოვრებაში მათი სრულფასოვანი მონაწილეობისა და თვითრეალიზაციისთვის.
წარმოგიდგენთქალთა ფონდის აქტივობებს 2023 წლის თებერვლის თვეში:
- თებერვალში ქალთა ფონდის თანამშრომლები გადავიდნენ 4-დღიან სამუშაო კვირაზე, რადგან ორგანიზაციას მიაჩნია, რომ სამუშაო დღეების შემცირება ეწინააღმდეგება შრომის კაპიტალისტურ და პატრიარქალურ ლოგიკას და ექსპლუატაციური პრაქტიკების რომანტიზებას. გარდა ამისა, ფონდი ცდილობს, დანერგოს კოლექტიურ ზრუნვაზე დაფუძნებული სამუშაო გარემო, რათა დარჩეს დრო და სივრცე ღირსეული დასვენებისთვის.
- თებერვალში ქალთა ფონდმა დაიწყო ვიდეოების სერიის გამოქვეყნება ქალთა შრომითი უფლებების შესახებ. სერიის მთავარი ფოკუსია დასაქმებულებზე მორგებული გარემოს მიერ მოტანილი სიკეთეების ხაზგასმა და სხვადასხვა პრაქტიკის ჩვენება, რომლებითაც დამსაქმებლებმა გაითვალისწინეს თანამშრომელი ქალების საჭიროებები. ამ ეტაპზე გამოქვეყნებული ვიდოები ეხება მენსტრუალურ შვებულებას და ლაქტაციის ოთახის მოწყობას სამუშაო ადგილზე.
-
წელს ორგანიზაციამ კატო მიქელაძის პრემიაზე 1-წლიანი პაუზა აიღო, ცვლილებებისა და რებრენდინგის გაკეთების მიზნით. ამის ნაცვლად, ქალთა ფონდმა გადაწყვიტა, ჯილდოს ყველა მფლობელის შესახებ პატარა ვიდეოების გაკეთება, რადგან ორგანიზაციის მიერ ჩატარებულმა კვლევამ გამოკვეთა, რომ კატოს გულშემატკივრებს აინტერესებთ, სად არიან გამარჯვებულები და რას საქმიანობენ. სწორედ ამიტომ, ყოველთვე კატოს მფლობელი თითო ადამიანი თავის ისტორიას მოკლედ მოყვება და თავად გადაიღებს საკუთარი ცხოვრების ყოველდღიურ მონაკვეთებს. ორგანიზაციამ უკვე მოამზადო პირველი სატესტო ვიდეო ნატა ტალიკიშვილთან ერთად.
იხილეთ აგრეთვე:
