რუსეთის იუსტიციის სამინისტრომ უცხოელი აგენტების რეესტრში რამდენიმე ჟურნალისტი, მათ შორის, ცნობილი ჟურნალისტი და იუთუბერი, იური დუდი (მან გამოაქვეყნა დოკუმენტური ფილმი A Man in Time of War იმის შესახებ, თუ როგორ ეხმარებიან რუსები უკრაინელ ლტოლვილებს ბუდაპეშტში); საგამოძიებო ვებგვერდ The Insider-ის მთავარი რედაქტორი, რომან დობროხოტოვი; ლგბტქი აქტივისტი, რუსული ლგბტქი ქსელის ფსიქოლოგიური სამსახურის ხელმძღვანელი, მარია საბუნაევა და ფემინისტი რეჯინა ძუგკოევა დაამატა. ასევე ჟურნალისტები, რომლებიც რადიო თავისუფლების რუსულ სამსახურთან თანამშრომლობდნენ. ამის შესახებ სამინისტრომ 15 აპრილს განაცხადა.
The Insider „უცხოელი აგენტის“ მიერ წარმოებული კონტენტის გამო დააჯარიმეს, მაგრამ როგორც დობროხოტოვი ამბობს, ვებგვერდი ლატვიაშია რეგისტრირებული და არ არის ვალდებული, რუსეთის კანონმდებლობა დაიცვას.
რეესტრში ამჟამად 142 ადამიანია შესული. ისინი ვალდებულნი არიან, აკმაყოფილებდნენ რამდენიმე მოთხოვნას, მათ შორის, უნდა წარმოადგინონ ფინანსური ანგარიშგება და ყველა პოსტი სოციალურ მედიაში. დარღვეევები ადმინისტრაციულ და სისხლის სამართლის პასუხისმგებლობას ექვემდებარება.
რადიო თავისუფლების პრეზიდენტმა, ჯეიმი ფლაიმ განაცხადა, რომ კრემლის თავდასხმა სიმართლეზე სასოწარკვეთილ მცდელობად გამოიყურება.
„პუტინის რეჟიმს აღელვებს სიმართლის დაფარვის შესაძლებლობები. მიუხედავად ამისა, ჩვენ გავაორმაგებთ ძალისხმევას, რათა რუსი ხალხისთვის დამოუკიდებელი ინფორმაციის წვდომა უზრუნველვყოთ“
იუსტიციის სამინისტრომ, ჩვეული პრაქტიკის შესაბამისად, ჟურნალისტებისა და აქტივისტების სიაში შეყვანის მიზეზები არ დასაახელა, მაგრამ აღსანიშნავია, რომ ცოტა ხნის წინ, სიაში მყოფმა პირებმა უკრაინაში რუსეთის შეჭრის საწინააღმდეგოდ ისაუბრეს.
წყარო: Radio Liberty
