/

მხარდამჭერები პასუხისმგებლები იქნებიან ევროატლანტიკური მომავლისთვის საფრთხის შექმნაზე — დეგნანი რუსულ კანონზე

აშშ-ის ელჩმა საქართველოში, კელი დეგნანმა მედიასთან ქართული ოცნების რუსულ კანონზე ისაუბრა და აღნიშნა, რომ კანონის მიღება საფრთხეს შეუქმნის ქვეყნის ევროატლანტიკურ მომავალს, ხოლო მისი მხარდამჭერები პირდაპირ იქნებიან პასუხისმგებლები ამ მომავლისთვის საფრთხის შექმნაში.

„რეალური კითხვა ისაა, რა არის საქართველოს ინტერესებში. ნათელია, რომ საქართველოს არ სჭირდება კანონის არცერთი ვერსია. ნათელია ისიც, რომ როგორც ერთი, ისე მეორე ვერსიის მხარდამჭერები პირდაპირ პასუხისმგებლები იქნებიან საქართველოს ევროატლანტიკური მომავლისთვის საფრთხის შექმნაში. გაერომ, ამერიკის შეერთებულმა შტატებმა, ევროკავშირმა, საქართველოს სხვა მეგობარმა ქვეყნებმა არაერთხელ მოუწოდეს საქართველოს ხელისუფლებას, რომ არ მიიღოს, შეჩერდეს ამ კანონის მიღება, იმიტომ, რომ ეს საფრთხეს შეუქმნის იმ ორგანიზაციების, მათ შორის, ადგილობრივი ორგანიზაციების მუშაობას, რომელთა ძალისხმევა მიმართულია ადგილობრივი საზოგადოების ცხოვრების გაუმჯობესებისკენ, რომლებიც მუშაობენ საერთო მიზნებისთვის, რაც გულისხმობს უსაფრთხო, წარმატებულ მომავალს და იმ საქმეს, რაც გრძელდება უკვე წლების მანძილზე საქართველოს მეგობრებსა და მის ადგილობრივ პარტნიორებს შორის თანამშრომლობით. ამიტომ, კითხვა ჩნდება, რატომ, რა არის მთავარი მიზანი და მიზეზი ამ კანონის მიღების?“, — აღნიშნა დეგნანმა რეპრესირებულ მწერალთა მუზეუმის გახსნის ღონისძიებაზე ჟურნალისტებთან საუბრისას.

ანტიდასავლურმა მოძრაობამ პარლამენტში რუსული კანონის ორი ვერსია წარადგინა. ორივე ითვალისწინებს “უცხოური გავლენის აგენტად” რეგისტრაციას იმ შემთხვევაში, როცა დაფინანსების წყარო საერთაშორისო ორგანიზაციებია. წინააღმდეგ შემთხვევაში, გათვალისწინებულია ჯარიმა, ახალ ვერსიაში კი არის პატიმრობის შესახებ ჩანაწერიც. შედეგად, საფრთხე ექმნება თავისუფალ მედიას, არასამთავრობო ორგანიზაციების საქმიანობას და უამრავ სერვისს, რომელსაც მოსახლეობა სწორედ არასამთავრობო ორგანიზაციებისა და მედიის დახმარებით იღებს, მათ შორის, ჯანდაცვის, განათლების, ინფრასტრუქტურული სერვისები და სხვა.

ქართული ოცნება აპირებს პირველი მოსმენით მხარი დაუჭიროს ორივე კანონპროექტს და შემდეგ ვენეციის კომისიას გადაუგზავნოს განსახილველად. 

წინა

ტერორიზმის შესახებ აშშ-ის სახელმწიფო დეპარტამენტის ანგარიში 5 ივლისსაც მოიცავს

შემდეგი

“დისკუსია არ იყო მარტივი” — ევროკავშირის ელჩი რუსულ კანონზე პაპუაშვილთან შეხვედრის შემდეგ

ბოლო სიახლეები

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი

დააკავეს კაცი, რომელმაც 200-მდე ქალს 5000-მდე ფოტო და ვიდეო მოტყუებით და ფარულად გადაუღო

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43

ამარი – ტრანსგენდერი მომღერალი ძლიერი ხმით და საინტერესო ისტორიით

FacebookTweetLinkedInEmail ამარი American Idol-ის მონაწილეა, რომელმაც უამრავი მსმენელი მოხიბლა მსოფლიოს მასშტაბით. 28 წლის მომღერალი წარმოშობით ამერიკელია,

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

FacebookTweetLinkedInEmail 6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში”  ჩაიშალა. კრებული ქართველი მხატვრების