ოქსფორდის უნივერსიტეტის მკვლევრებმა აივ-ინფექციის ახალი ვარიანტი აღმოაჩინეს, რომელიც პოტენციურად ბევრად გადამდებია და იმუნურ სისტემას ბევრად დიდ დარტყმას აყენებს. ამჟამად ვირუსი ნიდერლანდებში მცხოვრებ 109 ადამიანს აქვს, რომელთაც სიმპტომები ორჯერ უფრო სწრაფად გამოუვლინდათ.
მეცნიერთა თქმით, ახალი შტამი – VB ვარიანტი, იმუნურ სისტემას ანგრევს, ასევე, გავრცელებულ ვირუსებთან და დაავადებებთან ორგანიზმის გამკლავების უნარს ბევრად სწრაფად აქვეითებს, ვიდრე აივ-ინფექციის წინა შტამები, რაც იმას ნიშნავს, რომ შიდსის განვითარებაც ბევრად დაჩქარებულია.
მკვლევრებმა ისიც დაადგინეს, რომ VB სისხლში 3,5-5,5-ჯერ დიდი შემცველობითაა, რაც იმის მანიშნებელია, რომ ბევრად მარტივად გადამდები იქნება, გარდა ამისა, იმუნური სისტემის დაზიანების ხარისხი ორჯერ უფრო სწრაფად იზრდება.
აივ-ინფექციასთან, მათ შორის, ახალ შტამთან ბრძოლის საუკეთესო გზა, ხშირი ტესტირებაა, ამიტომ თუ სქესობრივი კავშირი ხშირად და სხვადასხვა პარტნიორთან გაქვთ, აუცილებლად გაიკეთეთ ტესტი კლინიკაში, ხოლო თუ ლგბტქი თემის წარმომადგენელი ხართ ან სექსსამუშაოში ხართ ჩართული – გამოიძახეთ სწრაფი ტესტი Selftest.ge-დან და ჩაიტარეთ ტესტი სახლიდან გაუსვლელად.
აივ-უარყოფით ქვიარ ადამიანებს პრეპ-პროგრამაში ჩართვა სრულიად უფასოდ შეუძლიათ. პრეპი მედიკამენტია, რომელიც აივ-ინფიცირების რისკს 99%-ით ამცირებს.
