ფოტო: IPN

ავტობუსში ცოლის მკვლელობისთვის ბრალდებულ კაცს 20-წლიანი პატიმრობა მიესაჯა

38 წლის როინ მებონიას, რომელიც ავტობუსში ცოლის მკვლელობაში იყო ბრალდებული, 20 წლით თავისუფლების აღკვეთა მიესაჯა. სასამართლოს გადაწყვეტილებით, ამ დროის ნაწილს ის გაატარებს ფსიქიკური ჯანმრთელობის ეროვნულ ცენტრში, გამოჯანმრთელების შემდეგ კი სასჯელს საპატიმრო დაწესებულებაში მოიხდის. 

გადაწყვეტილება დღეს, 17 თებერვალს გამოაცხადა საქალაქო სასამართლოს მოსამართლემ, რომეო ტყეშელაშვილმა. სასამართლოს სხდომაზე მსჯავრდებულმა მხოლოდ ერთი ფრაზა თქვა: „ბატონო მოსამართლე, ავად ვარ, ავად, და ვერ ვხვდები, რა ხდება“.

სასამართლოს გადაწყვეტილებით:

„როინ მებონია დამნაშავედ იქნას ცნობილი საქართველოს სისხლის სამართლის კოდექსის 11 პრიმა, 109-ე მუხლის მეორე ნაწილის „დ“ პრიმა და „ბ“ ქვეპუნქტებით და ამავე მუხლის მესამე ნაწილის „ბ“ ქვეპუნქტით და სასჯელის ზომად განესაზღვროს თავისუფლების აღკვეთა 20 წლის ვადით. სს საპროცესო კოდექსის 191-ე მუხლის მესამე ნაწილის შესაბამისად, მსჯავრდებულმა როინ მებონიამ დანიშნული სასჯელი მოიხადოს შესაბამის სამედიცინო სამკურნალო დაწესებულებაში, შპს „აკადემიკოს ნანეიშვილის სახელობის ფსიქიკური ჯანმრთელობის ეროვნულ ცენტრში“, ხოლო გამოჯანმრთელების შემდეგ მსჯავრდებულის მიერ სასჯელის მოხდა გაგრძელდეს საერთო წესით“.

როინ მებონიამ 2022 წლის 21 მაისს მისი ცოლი, 31 წლის სოფო კვარაცხელია, თბილისში, №323 ავტობუსში მოკლა. მომხდარს შეესწრნენ მსჯავრდებულის არასრულწლოვანი შვილები, და და არასრულწლოვანი დისშვილები.

პროკურატურა და მოკლული ქალის დედა, ხათუნა ნაჭყებია, რომელიც ახლა მარტო ზრდის ორ არასრულწლოვან შვილიშვილს, ბრალდებულისთვის თავისუფლების უვადოდ აღკვეთას ითხოვდნენ. დედა დარწმუნებულია, რომ კაცს ცოლის მკვლელობა წინასწარ ჰქონდა განზრახული და მკვლელობის მომენტში ის სრულიად შერაცხადი იყო.

„შეურაცხად, გაგიჟებულ ადამიანს, არ შეუძლია გააკეთოს ის, რაც მან მკვლელობის შემდეგ გააკეთა“, — უთხრა მან რადიო თავისუფლებას.

რადიო თავისუფლების ინფორმაციითვე, დედის მკვლელობიდან სამ თვეში, უმცროს შვილს, 5 წლის ბიჭს, დიაბეტი დაუდგინდა. დიაბეტი აქვს მის უფროს ძმასაც. ძმები ინსულინდამოკიდებულები არიან და მუდმივად საჭიროებენ სამედიცინო მეთვალყურეობას. ქალის მკვლელობიდან მალევე ექიმებმა ეპილეფსიის დიაგნოზი დაუსვეს მის უფროს დას, რომელიც მკვლელობას შეესწრო.

წინა

როგორ მოვიქცეთ, თუ ეჭვქვეშ ვაყენებთ საკუთარ სექსუალურ ორიენტაციას?

შემდეგი

მორიგი დრეგ მეჯლისი “Hollywood” 23 თებერვალს გაიმართება

ბოლო სიახლეები

კვლევის თანახმად ორსული ქვიარ ქალები უფრო ხშირად განიცდიან დეპრესიას, ვიდრე ჰეტეროსექსუალი ქალები

FacebookTweetLinkedInEmail 5 თებერვალს გამოქვეყნდა კვლევა, რომელიც შეისწავლიდა სექსუალურ ორიენტაციასთან დაკავშირებულ უთანასწორობას ორსულ ქვიარ ქალებში. კერძოდ, მათი

დააკავეს კაცი, რომელმაც 200-მდე ქალს 5000-მდე ფოტო და ვიდეო მოტყუებით და ფარულად გადაუღო

FacebookTweetLinkedInEmail სპეციალური საგამოძიებო სამსახურის ცნობით, პირადი ცხოვრების საიდუმლოს ხელყოფისა და სექსუალური ხასიათის ქმედების იძულების ფაქტზე 43

ამარი – ტრანსგენდერი მომღერალი ძლიერი ხმით და საინტერესო ისტორიით

FacebookTweetLinkedInEmail ამარი American Idol-ის მონაწილეა, რომელმაც უამრავი მსმენელი მოხიბლა მსოფლიოს მასშტაბით. 28 წლის მომღერალი წარმოშობით ამერიკელია,

წიგნის “ცისფერი – ქვიარ ამბავი ქართულ ხელოვნებაში” პრეზენტაცია ჩაიშალა

FacebookTweetLinkedInEmail 6 მარტს დაგეგმილი წიგნის პრეზენტაცია “ცისფერი – ქვიარ ამბავი ქართულ ხელოვნებაში”  ჩაიშალა. კრებული ქართველი მხატვრების