ჯოდი ფოსტერს „ნამდვილი დეტექტივის“ მეოთხე სეზონში ვიხილავთ

ქვიარ მსახიობი ჯოდი ფოსტერი სატელევიზიო ეკრანებს უბრუნდება.

სულ ახლახან ცნობილი გახდა, რომ ოსკაროსანი მსახიობი HBO-ს გახმაურებული სერიალის, „ნამდვილი დეტექტივის“ მეოთხე სეზონში მთავარ როლში მოგვევლინება და ლიზ დენვერის როლს შეასრულებს. ახალ სეზონს „ნამდვილი დეტექტივი: ღამის ქვეყანა“ ერქმევა.

,,როდესაც ენისში, ალასკაში, ზამთრის გრძელი ღამე მოდის, ექვსი კაცი, რომლებიც ცალალის არქტიკულ კვლევით სადგურში მუშაობენ, უგზო-უკვლოდ ქრებიან. საქმის გასახსნელად მარადიული ყინულის ქვეშ სასტიკი ჭეშმარიტების გათხრა და საკუთარ სიბნელესთან დაპირისპირება დეტექტივ ლიზ დენვერსა და ევანჯელინა ნავაროს მოუწევთ”, – წერია ახალი სეზონის სინოფსისში.

მრავალი ჯილდოს მქონე სერიალის მეოთხე სეზონი ჯერჯერობით კვლავ ელოდება HBO-ს მწვანე შუქს, თუმცა უკვე ცნობილია, რომ მასზე სცენარისტები, ისსა ლოპეზი (Tigers Are Not Afraid) და ალან პეიჯ არიაგა (Fear the Walking Dead) იმუშავებენ.

„ნამდვილი დეტექტივის“ პირველ სეზონში მთავარ როლს მეთიუ მაკკონაჰი და ვუდი ჰარელსონი ასრულებენ, მოქმედება კი ლუიზიანაში ვითარდება. მეორე სეზონში სერიალმა კალიფორნიაში გადაინაცვლა და მასში კოლინ ფარელი მოგვევლინა მთავარ როლში რეიჩელ მაკდამსთან ერთად, სერიალის ბოლო, მესამე სეზონში, მოქმედება არკანზასში მიმდინარეობს და მთავარ როლს მაჰერშალა ალი ასრულებს.

 

წინა

ხორვატიაში ქვიარ წყვილებს შვილის აყვანის უფლება მიენიჭათ – გეი წყვილის სასამართლო დავა გამარჯვებით დასრულდა

შემდეგი

პრაიდ კვირეული 2022 — ერთმანეთზე ზრუნვის, სოლიდარობისა და იარების მოშუშების წელი

ბოლო სიახლეები

დედაენის ბაღში ირანის სოლიდარობის ღონისძიება გაიმართება

FacebookTweetLinkedInEmail 11 დეკემბერს, დედაენის ბაღში ირანში მიმდინარე პროტესტის მხარდასაჭერი ღონისძიება, ირანის თავისუფლებისთვის გაიმართება, რომელზეც ქართველი ფოტოგრაფების

კინტოს სიმღერის მიხედვით შექმნილი ქართული ილუსტრაცია გეი სიყვარულზე

FacebookTweetLinkedInEmail Facebook-ის ერთ-ერთმა მომხმარებელმა, Kalioras Lika-მ გრაფიკული ილუსტრაცია მიუძღვნა სსრკ-ში, 1950-იან წლებში ჩაწერილ კინტოს სიმღერას, რომელთან