ტრანსგენდერ უკრაინელებს აღარ აქვთ წვდომა სიცოცხლისთვის აუცილებელ მედიკამენტებზე – უკრაინელი ტრანსგენდერი აქტივისტი ქალის ინტერვიუ

გასულ კვირას, 5 აპრილს, უკრაინელმა ტრანს აქტივისტმა ანასტასია იევა დომანიმ ინტერვიუ მისცა ბრიტანულ რადიო გამოცემა Gaydio-ს. ანასტასია ტრანსგენდერი აქტივისტი და არასამთავრობო ორგანიზაცია Cohort NGO-ს დირექტორია და ტრანსგენდერების უფლებებზე მუშაობს.

ანასტასიამ ომის დაწყების შემდეგ გადაწყვიტა, ქვეყანაში დარჩენილიყო, თუმცა ბევრ ტრანსგენდერ ადამიანს უკრაინაში ეს არჩევანი არც ჰქონიათ.

„მე მაძლიერებს იმის განცდა, რომ ადამიანების დახმარება შემიძლია“, – ამბობს ანასტასია ბრიტანული მედიისთვის მიცემულ ინტერვიუში.

მან ისიც თქვა, რომ უამრავ ტრანსგენდერ ქალს არ შეუძლია ქვეყნის დატოვება, რადგან მათ პასპორტებში ჯერ კიდევ აღნიშნულია, რომ ისინი მამაკაცები არიან.

კითხვაზე, თუ რა სჭირდება ყველაზე მეტად ტრანს საზოგადოებას უკრაინაში, ანასტასიამ თქვა, რომ ყველაზე მეტად მედიკამენტებისა და ჰორმონების ნაკლებობას განიცდიან.

მედიკამენტური კრიზისი ქვეყანაში მას შემდეგ შეიქმნა, რაც ოკუპანტმა რუსეთმა ბარბაროსულად დაბომბა არაერთი საავადმყოფო, მათ შორის, პედიატრიული კლინიკები.

ჯანდაცვის მსოფლიო ორგანიზაციის მონაცემებით, რომელიც მარტის ბოლოს გამოქვეყნდა, ოკუპანტმა ქვეყანამ 70-ზე მეტი თავდასხმა განახორციელა საავადმყოფოებზე, სასწრაფო დახმარების მანქანებსა და ექიმებზე უკრაინაში. ეს რიცხვი ყოველდღიურად იზრდება.

Cohort NGO-ს დამფუძნებელმა ანასტასიამ, რომელიც მრავალი წლის განმავლობაში მუშაობს ტრანსგენდერი ადამიანების უფლებებზე უკრაინაში, მაყურებელს დონაციისკენ მოუწოდა და დაასახელა ის ორგანიზაციები, რომლებიც ლგბტქი ადამიანების უფლებებზე მუშაობენ (Cohort NGO, Kyiv Pride, Trans Generation, Insight).

ანასტასიამ რადიომაუწყებლობის დროს თქვა, რომ არ ეშინია ძალადობის და მისთვის მნიშვნელოვანია, დარჩეს უკრაინაში და უკრაინიდან დაეხმაროს ლგბტქი თემს.

„სადმე სხვაგან რომ წავსულიყავი, ჩემს ადგილს ვერ ვიპოვიდი, ვერ მოვისვენებდი და საკუთარ თავს გავკიცხავდი. აქედან შემიძლია ის ვაკეთო, რაც საჭიროა ჩვენი თემისთვის. ძალიან მაძლიერებს იმის ნახვა, რომ ადამიანებს ვეხმარები.”

უკრაინული მონაცემების მიხედვით, რუსეთის ომის შედეგად, უკრაინაში 20 000-ზე მეტი ადამიანია გარდაცვლილი, ხოლო 4 მილიონზე მეტმა ადამიანმა ქვეყანა დატოვა.

 

 

 

წინა

ქვიარის ჟურნალისტს ახმეტელის მეტროსთან თავს დაესხნენ

შემდეგი

ნიუ-იორკში გეი ბარს ცეცხლი წაუკიდეს

ბოლო სიახლეები

ნოემბერში მელბურნის ქვიარ კინოფესტივალი გაიმართება

Facebook0Tweet0Shares0 ავსტრალიის ქალაქ მელბურნში ქვიარ კინოფესტივალი გაიმართება. მაყურებლებს 10 ნოემბრიდან 21 ნოემრის ჩათვლით საუკეთესო ქვიარ ფილმების

რას ამბობს EUMM თანამშრომლის სახელით გავრცელებულ პოსტზე

Facebook7Tweet0Shares7 ტვიტერზე ევროკავშირის სადამკვირვებლო მისიის თანამშრომლის სახელით რუსული ნარატივის შემცველი პოსტის სქრინი გამოქვეყნდა. “აშშ-ის მიერ ორკესტრირებული

ვიეტნამში პანდემიის შემდეგ პრაიდ კვირეული პირველად ჩატარდა

Facebook16Tweet0Shares16 2019 წლის შემდეგ პირველად, ვიეტნამის დედაქალაქ ჰანოიში პირველი სრუმლასშტაბიანი პრაიდ კვირეული ჩატარდა. ღონისძიება 19 სექტემბერს

პოლონელი მოზარდი ლგბტქი ადამიანების მხარდაჭერისთვის დააკავეს

Facebook2Tweet0Shares2 პოლონელი მოზარდი, მალვინა ჩმარა, რომელიც ტროტუარზე ცარცით ლგბტქი თემის მხარდამჭერ სიტყვებს წერდა, დააკავეს. 17 წლის