ტალისა გარსია – პირველი ტრანსგენდერი ქალი მსახიობი დისნეის სამყაროში

გასულ კვირას ცნობილი გახდა, რომ კომპანია ”დისნეიმ” სტრიმინგ სერვისის, Disney+ -ის სერიალში, მთავარი როლის შემსრულებლად ტრანსგენდერი მსახიობი ქალი, ტალისა გარსია შეარჩია. ეს პირველი შემთხვევაა, როცა ამერიკული გიგანტური კომპანია ტრანსგენდერ მსახიობს თავის პროექტში გადაიღებს.

ტალისა გარსიას მაყურებელი სულ მალე იხილავს სერიალში – Willow, რომელიც 1988 წლის ამავე სახელწოდების ფილმს ეფუძნება და ახალგაზრდა ფერმერზე გვიყვება, რომელიც ტყეში ნაპოვნი ჩვილის გამო სახიფათო თავგადასავალში გაეხვევა და ბოროტ დედინაცვალთან დაპირისპირება მოუწევს.

სერიალში წარმოშობით ჩილელი მსახიობი დედოფლის როლს შეასრულებს. ეს ასევე პირველი შემთხვევაა დისნეის სამყაროში, როცა ტრანსგენდერი ადამიანი სისგენდერი ქალის როლს ასრულებს.

ტალისა გარსიას მაყურებელი BBC-ის კრიმინალური სერიალიდან – ”ბაპტისტიდან” იცნობს. The Independent-თან ინტერვიუში მსახიობი ჰყვება, რომ ტრანსფორმაციის პროცესი 18 წლის ასაკში დაიწყო და მას შემდეგ მრავალი წლის განმავლობაში უწევდა თავისი იდენტობის დამალვა, ინდუსტრიის სტანდარტებს რომ მორგებოდა.

2021 წელს პატი ჰარისონი პირველი ტრანსგენდერი მსახიობი აღმოჩნდა, რომელმაც დისნეის ანიმაციურ ფილმში – ”რაია და უკანასკნელ დრაკონი”, ერთ-ერთი პერსონაჟი გაახმოვანა. ამასთან ერთად, დისნეის მფლობელობაში მყოფი კომპანიის, ”მარველის” ფილმში – ”ადამიანი ობობა: სახლიდან შორს” – 2019 წელს ტრანსგენდერი მამაკაცი ზაკ ბარაკი გადაიღეს.

ასევე, ცნობილია, რომ გიგანტური კომპანია კიდევ ერთ ტრანსგენდერ მსახიობს ეძებს ”მარველის” სამყაროსთვის.

ტალისა გარსიას ახალი ამბავი მას შემდეგ გავრცელდა ინტერნეტში, რაც ფლორიდის შტატის გუბერნატორმა რონ დესანტისმა ხელი მოაწერა საკამათო კანონპროექტს, რომლის მიხედვითაც, ფლორიდის შტატში უნდა აკრძალულიყო სექსუალური ორიენტაციისა და გენდერული საკითხების სწავლება.

„Don’t Say Gay“ (არ თქვა, ,,გეი“) ამ სახელით ცნობილ კანონპროექტს მალევე მოჰყვა ამერიკაში წინააღმდეგობა აქტივისტებისგან და გაირკვა, რომ დისნეი აფინანსებდა კანონპროექტის მხარდამჭერებს, მათ შორის, რონ დესანტის.

მასიური გამოსვლებისა და თანამშრომლების გაფიცვის შემდეგ, დისნეის აღმასრულებელმა დირექტორმა ბობ ჩაპეკმა ბოდიში მოიხადა და პირობა დადო, რომ დისნეი იქნებოდა გამაერთიანებელი ძალა და წარმოაჩენდა ლგბტქი ადამიანებს ეკრანზე.

ჯერჯერობით უცნობია, თუ როდის გამოვა სერიალი.

წინა

9 აპრილის ტრაგედია და თავისუფლების იდეის გარშემო გაერთიანებული საქართველო

შემდეგი

გორის ქალთა გუნდის ნამუშევრები მთვარეზე გაიგზავნება

ბოლო სიახლეები

ოლიმპიური ჩემპიონი ელია გრინი ტრანსგენდერ კაცად დაქამინგაუთდა

Facebook0Tweet0Shares0 ავსტრალიელმა მორაგბემ, ელია გრინმა ოლიმპიური ჩემპიონობიდან დიდი ხნით ადრე, ბავშვობაში გააცნობიერა, რომ ადამიანის იდენტობა და

მთავარის ჟურნალისტი გაუპატიურების მცდელობისა და ძალადობის ბრალდებით დააკავეს

Facebook0Tweet0Shares0 მთავარი არხის ჟურნალისტი, ლაშა ნაკაიძე გაუპატიურების მცდელობისა და ოჯახში ძალადობის ბრალდებით დააკავეს. შინაგან საქმეთა სამინისტროს

უკრაინელი გეი ჯარისკაცი ომის დღეებში ნაპოვნი სიყვარულისა და სამშობლოსთვის გაღებული მსხვერპლის შესახებ ჰყვება

Facebook0Tweet0Shares0 უკრაინელმა გეი ჯარისკაცმა პოსტი გამოაქვეყნა, რომელშიც რუსეთთან ომის დღეებზე, ყოველდღიურ გამოწვევებზე, შიშებზე დაწერა და ხალხს

EuroPride 2022 სერბეთში ჩატარდება — გადაწყვეტილებას ანტი-LGBTQI აქცია მოჰყვა

Facebook0Tweet0Shares0 12-დან 18 სექტემბრამდე სერბეთის დედაქალაქი ბელგრადი EuroPride-ს, ყოველწლიურ მარშს უმასპინძლებს, რომელიც ევროპის სხვადასხვა ქალაქში იმართება.