TIME-მა დემნა გვასალია 2022 წლის ყველაზე გავლენიან ადამიანად დაასახელა

23 მაისს ჟურნალმა TIME-მა 2022 წლის ყველაზე გავლენიანი ადამიანების სია გამოაქვეყნა და ამ სიაში ქართველი დიზაინერი, დემნა გვასალია მოხვდა.

„დემნას მიერ შექმნილი Balenciaga-ს კოლექციის დათვალიერების დროს, ყოველთვის გული მიჩქარდება. ეს ზუსტად იმ შეგრძნებას ჰგავს, როცა პატარაობაში დედაჩემის მოდის ჟურნალებს ვფურცლავდი. მის ნამუშევრებში ვგრძნობ ზრუნვას და პატივისცემას Balenciaga-ს ისტორიის, მემკვიდრეობის და მისი შემქმნელის, კრისტობალის მიმართ. დემნას გაწეული შრომა ერთდროულად ახალია და თან, დროს უსწრებს.

ერთი წლის წინ, მერგო პატივი, მომერგო Balenciaga-ს სამი ლუქი “ეიფორიას” პრემიერისთვის და მე ვიგრძენი, როგორი დელიკატურად რთული, მაგრამ, ამავდროულად, კომფორტული იყო მისი შექმნილი კოსტიუმები. დემნას ტანსაცმელში ძლიერად და დამოუკიდებლად გრძნობ თავს. მისი სილუეტები – მოშვებული თუ მჭიდრო, თითქოს სხეულის ყველა ნაწილს ერგება. ორბუნოვნება, რომელსაც დემნა გვთავაზობს, არა მარტო ასახავს დროს, არამედ წინ, მომავლისკენ მიისწრაფვის. მისი განზრახვები უფრო ღრმაა, ვიდრე უბრალოდ პროდუქტის გაყიდვა და სწორედ ამიტომ, Balenciaga-ს ეფექტი მთელს მსოფლიოში იგრძნობა“.

ვკითხულობთ ჟურნალის ოფიციალურ გვერდზე, სადაც „ეიფორიას“ ვარსკვლავი, ალექსა დემი განმარტავს, თუ რატომ მოხვდა ამ სიაში Balenciaga-ს აღმასრულებელი დირექტორი.

ჟურნალი TIME გავლენიანი ადამიანების სიას 1999 წლიდან ყოველწლიურად ადგენს და მასში მოხვედრა ძალიან დიდ პატივად ითვლება. სიაზე ჟურნალის სარედაქციო ჯგუფი და ის ადამიანები მუშაობენ, რომლებიც სხვადასხვა დროს ამ სიაში მოხვდნენ.

2022 წლის სიაში, დემნა გვასალიასთან ერთად, უკრაინის პრეზიდენტი, ვოლოდიმირ ზელენსკი, ტიმ კუკი, ოპრა უინფრი, ჯო ბაიდენი, ადელი და ზენდეიაც მოხვდნენ.

100 ადამიანისგან შედგენილ სიაში ასევე მოხვდა არიანა დებოუსი, ოსკაროსანი ქვიარ მსახიობი, რომელიც მაყურებელმა სტივენ სპილბერგის მიუზიკლიდან, „ვესტსაიდური ამბიდან“ გაიცნო.

TIME ყოველკვირეული ამერიკული ჟურნალია, რომელიც თითქმის საუკუნის ისტორიას ითვლის. ის 1923 წელს გამოჩნდა დახლებზე და გაყიდვების რაოდენობით მეთერთმეტე ჟურნალია ამერიკაში.

წინა

პარლამენტში ქალთა მიმართ ძალადობასა და ჰომოფობიურ სიძულვილზე ისაუბრეს

შემდეგი

არაინკლუზიური სასწავლო გარემო და დისკრიმინაციული კანონის არაეფექტური აღსრულება — IGLYO-ს ანგარიშის მიგნებები

ბოლო სიახლეები

სათემო ორგანიზაციები: გენდერის სამართლებრივად არ აღიარების გამო ტრანს ქალები ძალადობის მსხვერპლთა კომპენსაციით ვერ ისარგებლებენ

FacebookTweetLinkedInEmail ლგბტქი სათემო ორგანიზაციების საქართველოს მთავრობის მიერ „ქალთა მიმართ ძალადობის ან/და ოჯახში ძალადობის მსხვერპლისათვის გასაცემი კომპენსაციის

დედათა მონასტერში ყაჩაღობისა და გაუპატიურების ფაქტზე 2 პირი დააკავეს

FacebookTweetLinkedInEmail ხაშურის მუნიციპალიტეტში მდებარე დედათა მონასტერში მომხდარი ყაჩაღობისა და გაუპატიურების ფაქტზე ორი პირი დააკავეს. „ცხელ კვალზე

საქართველოს სტატისტიკა: ფემიციდი, ძალადობა, გაუპატიურება, შემაკავებელი ორდერები

FacebookTweetLinkedInEmail 25 ნოემბერს ქალთა მიმართ ძალადობის აღმოფხვრის დღე აღინიშნება და მიზნად ისახავს ქალთა მიმართ ძალადობის შესახებ

5 ქვიარ წიგნი ქართულ ენაზე

FacebookTweetLinkedInEmail უძველესი ანტიკური ტრაგედია, მეორე მსოფლიო ომის დროინდელი დიდი ბრიტანეთი, შორეული ინდოეთი და  გასული საუკუნის 70-იანი