,,მე არ ვარ გეი” – ახალ რუსულ შოუში 8 მამაკაცი ცდილობს დაამტკიცოს, რამდენად მამაკაცურები არიან

რუსული მედია აძლიერებს სიძულვილის შემცველი შინაარსის გადაცემების გავრცელებას და ახალ რეალითი შოუს აანონსებს, სადაც 8 მამაკაცი ცდილობს დაამტკიცოს, რომ გეი არ არის.

შოუს თანაწამყვანი ვიტალი მოლინოვია, რუსი პოლიტიკოსი, რომელიც უდიდესს დროს უთმობს ანტი-ლგბტქი+ პროპაგანდის კანონის პოპულარიზაციას რუსეთში. ახალ რეალითი შოუს ,,მე არ ვარ გეი” (Я не гей) ჰქვია.

როგორც შოუს აღწერაში ვკითხულობთ, შოუში რვა მამაკაცი მიიღებს მონაწილეობას და ისინი ყოველკვირეულად დაამტკიცებენ, თუ რამდენად მამაკაცურები არიან. შოუს ყოველ კვირაში თითო მამაკაცი დატოვებს, სანამ საბოლოოდ არ გამოვლინდება, რომელია მათ შორის ფარული გეი.

რუსეთში ლგბტქი ადამიანების უფლებები სავალალო მდგომარეობაშია. თანასწორი ქორწინება ქვეყანაში არალეგალურია, ღირსების აღლუმები – აკრძალული და ტრანსგენდერი ადამიანები მუდმივი საფრთხის ქვეშ ცხოვრობენ. ამასთან ერთად, ქვეყანაში მოქმედებს კანონი, რომელიც კრძალავს ლგბტქი პროპაგანდას. Moscow Times-ის გამოკითხვის შედეგად, ყოველი 5 რუსიდან, 4-ისთვის მიუღებელია გეი სექსი.

რუსული სატელევიზიო სივრცისთვის დამახასიათებელია ლგბტქი პირების დაცინვა, დამცირება, სიტყვიერი ან ფიზიკური ძალადობის მიყენება ეთერში. ,,მე არ ვარ გეის” კონკურსანტებს შოუში სხვადასხვა დავალების შესრულება უწევთ, მათ შორის, მაყურებელს უნდა დაუმტკიცონ, რომ მამაკაცები მათთვის მიმზიდველები არ არიან, ან პირიქით, ისინი ძალიან მიმზიდველები არიან ქალებისთვის. შოუ ერთგვარი დაცინვაა ყველა იმ ადამიანის, ვინც არ არის ჰეტეროსექსუალი.

შოუს პირველი ეპიზოდი 52-წუთიანია და შეგიძლიათ იხილოთ ლინკზე.

წინა

სამოქალაქო მოძრაობა ,,ხმა” მშრომელებისთვისა და სტუდენტებისთვის სოციალური კაფეს გახსნას გეგმავს

შემდეგი

ქვიარ ვარსკლავები 2022 წლის Met Gala-ს წითელ ხალიჩაზე

ბოლო სიახლეები

დედაენის ბაღში ირანის სოლიდარობის ღონისძიება გაიმართება

FacebookTweetLinkedInEmail 11 დეკემბერს, დედაენის ბაღში ირანში მიმდინარე პროტესტის მხარდასაჭერი ღონისძიება, ირანის თავისუფლებისთვის გაიმართება, რომელზეც ქართველი ფოტოგრაფების

კინტოს სიმღერის მიხედვით შექმნილი ქართული ილუსტრაცია გეი სიყვარულზე

FacebookTweetLinkedInEmail Facebook-ის ერთ-ერთმა მომხმარებელმა, Kalioras Lika-მ გრაფიკული ილუსტრაცია მიუძღვნა სსრკ-ში, 1950-იან წლებში ჩაწერილ კინტოს სიმღერას, რომელთან