მეორე პუბერტატი – ლორენს ფილომენის ფოტოები ტრანზიციის პროცესის აღსაწერად

პუბერტატი, იგივე სქესობრივი მომწიფების პერიოდი, ძალიან მნიშვნელოვანი ეტაპია ადამიანის ცხოვრებაში. ეს ის დროა, როცა მოზარდის სხეულში იწყება ნამდვილი რევოლუცია და ისევე როგორც ჰორმონალურ სისტემაში, თავის ტვინშიც ძალიან რთული და კომპლექსური ცვლილებები ხდება.

სქესობრივი მომწიფების პერიოდი 16 წლამდე, ზოგ შემთხვევაში, 18 წლამდე გრძელდება და ამ პროცესის დროს მოზარდის სხეულში საყრდენ-მამოძრავებელი სისტემის მკვეთრი ზრდა შეინიშნება, იცვლება სხეულის კომპოზიცია, ძლიერდება სისხლის მიმოქცევა და სასუნთქი სისტემები.

ეს ის დროა, როცა მოზარდის ხასიათი ხშირ შემთხვევაში რადიკალურად იცვლება და თითქოს სრულიად სხვა ადამიანს ემსგავსება, ამ პერიოდში ადამიანების უმეტესობა ბევრ დროს უთმობს საკუთარ გარეგნობას და ცდილობენ, თავიანთი თანატოლებისგან აღიარება მოიპოვონ.

მრავალი ტრანსგენდერი ადამიანის შემთხვევაში, რომლებიც უკვე ზრდასრულ ასაკში იწყებენ ტრანზიციის პროცესს, პუბერტატის პერიოდი თითქოს მეორდება და იმ ნაცნობ შეგრძნებებთან და ცვლილებებთან ბრუნდებიან, რომლებიც ერთხელ უკვე გამოსცადეს მოზარდობაში.

ლორენს ფილომენის, კანადელი ფოტოგრაფის ფოტო-წიგნი, „პუბერტატი“, ზუსტად ამ პროცესს აღწერს და თვალისმომჭრელი კადრებით გვიყვება მეორე პუბერტატის პერიოდს ტრანსგენდერი ადამიანებისთვის.

არაბინარული იდენტობის მქონე არტისტი ფოტოგრაფიით 2012 წლიდან არის დაინტერესებული და მისი მიზანია, ფოტოგრაფიის საშუალებით მეტი გაიგოს გენდერულ იდენტობასა და სექსუალობაზე.

ფოტოგრაფი წლების განმავლობაში ასახავს თავისი ტრანზიციის პროცესს და ცდილობს, საკუთარი თავი არა მარგინალიზებულ ადამიანად, არამედ ხელოვნების ნიმუშად აღიქვას.

299-გვერდიანი ფოტო-წიგნი ლორენსის ყოველდღიურობას ჯადოსნურ ელფერს აძლევს, ფოტოგრაფის მიზანია, ადამიანებს აჩვენოს, რომ ტრანზიცია უნივერსალური გამოცდილებაა და ჩვენ ყოველდღიურად ტრანსვფორმირდებით რაღაც ახალში, ჩვენს გარეგნობაში თუ შინაგან სამყაროში ყოველთვის ხდება ცვლილებები და ეს არ არის მხოლოდ ტრანს გამოცდილება.

ამასთან ერთად, ცვლილებებს მუდმივად განიცდის ბუნებაც, სწორედ ამიტომ, ახალგაზრდა კანადელი არტისტის შემოქმედებაში ძალიან დიდი ადგილი უჭირავს ბუნებას. იგი თავის ტრანზიციის პროცესს სახლის მცენარის მოძრაობას ადარებს, რომელიც ცდილობს, მზისკენ გადაიხაროს.

ლორენსი სხვადასხვა დროს ისეთ კომპანიებთან თანამშრომლობდა, როგორებიცაა: ნეტფლიქსი, BEATS, Converse, VSCO, AirBnb. მისი ფოტოები 40-ზე მეტ გამოფენაზე მოხვედრილა მსოფლიოს სხვადასხვა ქვეყანაში, ხოლო მის სოლო გამოფენას უმასპინძლა კანადამ, გერმანიამ, საფრანგეთმა და პოლონეთმა.

 

ფოტო: ლორენს ფილომენი

წინა

რუსეთის წინააღმდეგ გაერთიანებული უკრაინელი ქვიარები და თემის ერთობა საზღვრებს მიღმა — ინტერვიუ ლენი ემსონთან

შემდეგი

ქვიარ ქალების მასკულინური სილამაზე ფოტოგრაფიაში

ბოლო სიახლეები

დედაენის ბაღში ირანის სოლიდარობის ღონისძიება გაიმართება

FacebookTweetLinkedInEmail 11 დეკემბერს, დედაენის ბაღში ირანში მიმდინარე პროტესტის მხარდასაჭერი ღონისძიება, ირანის თავისუფლებისთვის გაიმართება, რომელზეც ქართველი ფოტოგრაფების

კინტოს სიმღერის მიხედვით შექმნილი ქართული ილუსტრაცია გეი სიყვარულზე

FacebookTweetLinkedInEmail Facebook-ის ერთ-ერთმა მომხმარებელმა, Kalioras Lika-მ გრაფიკული ილუსტრაცია მიუძღვნა სსრკ-ში, 1950-იან წლებში ჩაწერილ კინტოს სიმღერას, რომელთან