მეგან ფოქსი 10 წლის ვაჟს, რომელსაც კაბების ჩაცმა უყვარს, მხარს უჭერს

ამერიკელი მსახიობი მეგან ფოქსი Glamour UK-ის გარეკანზე აღმოჩნდა. ჟურნალთან მიცემულ ინტერვიუში მსახიობმა ჰოლივუდზე, პირად ცხოვრებაზე, ფემინიზმსა და დედობრივ გამოცდილებაზე ისაუბრა.

სამი შვილის დედა ინტერვიუში ბავშვების აღზრდის თემასაც შეეხო და თქვა, რომ ის ძალიან ამაყი მშობელია 10 წლის ნოასი, რომელსაც კაბების ჩაცმა უყვარს.

„ნოამ კაბების ჩაცმა 2 წლის ასაკში დაიწყო და სწორედ ამიტომ გადავწყვიტე, ისეთი წიგნებით მომემარაგებინა, რომლებიც ამ თემებს ეხებოდა. ზოგი წიგნი ტრანსგენდერი ბავშვების დაწერილია, ზოგი უბრალოდ იმას ეხება, თუ როგორ შეიძლება იყო ბიჭი და ჩაიცვა გოგოს კაბები, რომ საკუთარი თავის გამოხატვა ტანსაცმლით ზუსტად ისე შეგიძლია, როგორც გსურს“, – თქვა მსახიობმა ინტერვიუში.

„ტანსაცმელის არჩევა არანაირად არ არის კავშირში ჩვენს სექსუალობასთან, ვცდილობ, ეს ინფორმაცია ადრეული ასაკიდან მივაწოდო, არ მინდა, ვინმემ იფიქროს, რომ ის უცნაური, განსხვავებული და უცხოა”.

ფოქსმა ასევე თქვა, რომ მას სურს, დაიცვას თავისი შვილი, თუმცა აცნობიერებს, რომ ყველაფერს ვერ გააკონტროლებს. „მე ვერ გავაკონტროლებ იმას, თუ რას ფიქრობენ სხვები ჩემს შვილებზე. ვერ გავაკონტროლებ სხვა ბავშვებს, რომელთან ერთადაც ჩემი შვილები დადიან სკოლაში, ვერ გავაკონტროლებ იმას, თუ რას ასწავლიან ამ ბავშვებს და რას იმეორებენ ამ ნასწავლიდან“.

თუმცა, ამის მიუხედავად, მსახიობი ცდილობს, მაქსიმალურად აარიდოს ყველანაირი საფრთხე თავის შვილებს და მოამზადოს სამყაროსთვის და ადამიანებისთვის, რომლებიც ცხოვრების გზაზე შეხვდებათ – „ჩემი შვილი ძალიან მამაცია და ვიცი, რომ ამ ყველაფერს აქვს მიზეზი, თუმცა დედისთვის მაინც რთულია ეს პროცესი“.

მეგან ფოქსი ამერიკელი მსახიობია, რომელიც 2001 წლიდან ჩანს ეკრანებზე. მსახიობის შესრულებით მაყურებელმა არაერთი დასამახსოვრებელი როლი ნახა.

წინა

მოსახლეობა ყველაზე დიდი პოლიტიკური (90%) და ეკონომიკური (83%) საფრთხის მომტან ქვეყნად რუსეთს ასახელებს — IRI-ს კვლევა

შემდეგი

შოტლანდიაში ახალგაზრდა ქვიარები ნაკლებად ბედნიერად გრძნობენ თავს, ვიდრე 5 წლის წინ — კვლევა

ბოლო სიახლეები

აივისა და ჰეპატიტების ტესტირების კვირეულისას, საქართველოს ქალაქებში ტესტის გაკეთება უფასო იქნება

Facebook0Tweet0Shares0 დღეს ევროპაში აივ-ინფექციისა და ჰეპატიტების ტესტირების კვირეული დაიწყო, რომელიც 2013 წლიდან მიმდინარეობს და სამოქალაქო საზოგადოებას,

They/Them – გარდაქმნის თერაპიაზე საშინელებათა ჟანრის ფილმს გადაიღებენ

Facebook0Tweet0Shares0 ონლაინ სტრიმინგ სერვისი Peacock გარდაქმნის თერაპიაზე საშინელებათა ჟანრის ფილმს გადაიღებს. ფილმი, რომელშიც მთავარ როლს კევინ

ესპანეთი ქალებისთვის სამდღიანი მენსტრუალური შვებულების შემოღებას აპირებს

Facebook0Tweet0Shares0 ესპანეთში ქალებისთვის, რომლებსაც მენსტრუაციის დროს ძლიერი ტკივილი აწუხებთ, სამდღიანი მენსტრუალური შვებულების დაწესება იგეგმება. მთავრობა ახალი