მადონა ახალ ალბომს, Finally Enough Love-ს აანონსებს

მადონამ დააანონსა, რომ სულ მალე გამოუშვებს ახალ ალბომს, რომელსაც Finally Enough Love ერქმევა. რეტროსპექტიული ალბომი ლეგენდარული ამერიკელი მუსიკოსის ჰიტების რემიქსებით იქნება დაკომპლექტებული.

ბილბორდის ოფიციალური მონაცემების მიხედვით, 63 წლის მადონა ერთადერთი არტისტია, რომელმაც თავისი შემოქმედების განმავლობაში მოახერხა ისეთი 50 სინგლის გამოშვება, რომელმაც პირველი ადგილი მოიპოვა ბილბორდის ჩარტებში.

სწორედ ამ ფაქტის აღსანიშნავად გამოუშვებს არტისტი ორ ალბომს, 50 რემიქსისგან შემდგარ Finally Enough Love: 50 Number Ones და 16 ტრეკისგან შემდგარ ვერსიას – Finally Enough Love.

აღსანიშნავია, რომ რემიქსების უმეტესობას, რომლებიც მადონამ თვითონ შეარჩია, პირველად მოისმენენ. 50-სიმღერიანი ალბომი ქრონოლოგიური პრინციპით არის დალაგებული, 1983 წლიდან 2019 წლამდე.

თითოეული რემიქსი დამუშავებულია მაიკ დინის მიერ, რომელიც აქტიურად მუშაობდა მადონას ბოლო ალბომებზე – Madame X და Rebel Heart. ახალ ალბომში ასევე იქნება არტისტის კოლაბორაცია პოპ პრინცესასთან, ბრიტნი სპირსთან და სხვა მუსიკოსებთან.

ახალი ალბომის ონლაინ ვერსია 24 ივნისს იქნება ხელმისაწვდომი, ხოლო მისი შეძენა ფიზიკურ ფორმატში 19 აგვისტოდან დაიწყება.

 

წინა

10 ქვიარ სერიალი, რომლებიც მაისში გამოვა ეკრანებზე

შემდეგი

საქართველოში ლგბტქი თემისა და მათი უფლებრივი თანასწორობის მიმართ განწყობები პოზიტიურად იცვლება — WISG

ბოლო სიახლეები

დედაენის ბაღში ირანის სოლიდარობის ღონისძიება გაიმართება

FacebookTweetLinkedInEmail 11 დეკემბერს, დედაენის ბაღში ირანში მიმდინარე პროტესტის მხარდასაჭერი ღონისძიება, ირანის თავისუფლებისთვის გაიმართება, რომელზეც ქართველი ფოტოგრაფების

კინტოს სიმღერის მიხედვით შექმნილი ქართული ილუსტრაცია გეი სიყვარულზე

FacebookTweetLinkedInEmail Facebook-ის ერთ-ერთმა მომხმარებელმა, Kalioras Lika-მ გრაფიკული ილუსტრაცია მიუძღვნა სსრკ-ში, 1950-იან წლებში ჩაწერილ კინტოს სიმღერას, რომელთან