ელიოტ პეიჯი ავტობიოგრაფიულ წიგნს წერს

მსახიობი და აქტივისტი ელიოტ პეიჯი მემუარებს წერს. წიგნი, რომლის სახელწოდებაც Pageboy იქნება, მომდევნო წელს გამოვა წიგნის მაღაზიებში.

მემუარების წიგნი ელიოტის გამოცდილებაზე იქნება და მსახიობის ტრანზიციის ისტორიას მოგვიყვება, წიგნში ელიოტ პეიჯი მენტალური ჯანმრთელობის, სექსუალური შევიწროების და ჰოლივუდში გაბატონებული უთანასწორობის თემებსაც შეეხება.

34 წლის ელიოტ პეიჯი ცნობილია თავისი შესრულებული როლებით ფილმებში: ჯუნო, დასაწყისი,  X-men და ნეტფლიქსის გახმაურებული სერიალი – აკადემია ამბრელა.

მსახიობმა საჯარო ქამინგაუთი, როგორც ტრანსგენდერმა მამაკაცმა, 2020 წელს ინსტაგრამის პოსტის საშუალებით გააკეთა და თავის გულშემატკივრებს უთხრა, რომ ის ტრანსგენდერი მამაკაცია და მისი სახელი არა ელენი, არამედ ელიოტია.

მსახიობმა პოსტში ასევე აღნიშნა, რომ მიუხედავად პრივილეგიებისა, ის მაინც შეშინებულია ამ გადაწყვეტილების მიღების შემდეგ, რადგან ბოლომდე იაზრებს იმ საფრთხეებს, ტრანსგენდერი ადამიანების გარშემო დღემდე რომ არსებობს.

გარდა მსახიობობისა, ელიოტ პეიჯი აქტიურად არის დაკავებული აქტივიზმით. მიმდინარე წლის ბერლინის საერთაშორისო კინოფესტივალზე შედგა პრემიერა იტალიური დოკუმენტური ფილმისა Nel Mio (ჩემი სახელით), სადაც ოთხი ტრანსგენდერი მამაკაცის ისტორიაა მოთხრობილი. ფილმის აღმასრულებელი პროდიუსერი ელიოტ პეიჯია.

გასულ წელს ელიოტ პეიჯი Time-ის გარეკანზეც გამოჩნდა, ის პირველი ტრანსმასკულინი ადამიანია, რომელიც გავლენიანი ჟურნალის გარეკანზე აღმოჩნდა. ჟურნალთან ინტერვიუში მსახიობმა თქვა, რომ აცნობიერებს თავის პრივილეგიებს და ცდილობს, ტრანსგენდერი ადამიანების სასიკეთოდ გამოიყენოს თავისი სახელი და წარმატება.

წინა

ლგბტქი პერსონაჟების სატელევიზიო რეპრეზენტაციამ ისტორიულ მაქსიმუმს მიაღწია – GLAAD

შემდეგი

ევროსაბჭოს ადამიანის უფლებათა კომისრის თქმით, საქართველოში ლგბტქი უფლებების დაცვის კუთხით საგანგაშო მოვლენები ვითარდება – მარიამ კვარაცხელია

ბოლო სიახლეები

პრაიდის პორტრეტები — გამოფენა, რომელიც პრაიდზე და ლგბტქი უფლებებზე რეფლექსიაა

Facebook27Tweet0Shares27 ბოსტონში პრაიდის თვისადმი მიძღვნილი ახალი გამოფენა გაიხსნა, რომელიც დამთვალიერებლებს მთელი ოქტომბრის განმავლობაში უმასპინძლებს. აქ გამოფენილია

6 ოქტომბერს, ირანის საელჩოსთან ირანელი ხალხის მხარდასაჭერი აქცია იმართება

Facebook11Tweet0Shares11 6 ოქტომბერს, 17:00 საათზე ირანის საელჩოსთან ირანელი ხალხის მხარდასაჭერად თავისუფლების აქცია იმართება. “ვიკრიბებით ირანის საელჩოს

ყოველი დღე უნიკალური იდენტობის დაცვისთვის ბრძოლაა — დემნა

Facebook2Tweet0Shares2 წარმოშობით ქართველმა დიზაინერმა, დემნამ, რომელიც ბალენსიაგას კრეატიული დირექტორია, პარიზის მოდის კვირეულზე 2023 წლის გაზაფხული-ზაფხულის კოლექცია

ტრანსგენდერი ადამიანების შესახებ პროგრესულ კანონს პაკისტანში 4 წლის შემდეგ აპროტესტებენ

Facebook18Tweet0Shares18 პაკისტანი 2018 წელს მიღებული ტრანსგენდერი ადამიანების უფლებებისთვის მნიშვნელოვანი კანონპროექტის შესწორებას განიხილავს, რომელზეც ზოგიერთი კანონმდებელი და